smirâ
smi|râ
[AF]
-
v.intr., v.tr.
cjapâ la smicje, indreçâ un tîr o une arme di maniere di colpî un bersai:
tun moment si sintì a trai un, doi, trê, … colps di canon, po dute une batarie che dal alt di une culine i smirave ae colone (Pieri Menis, Sul agâr);
il jeur i è jessût cuasi sot i pîts e si è slontanât come une saete tal net dai prâts di Malisan. E Milio fer: nol à fat nancje moto di smirâ (Riedo Pup, I furlans e la cjace)
Sin. smicjâ
, pontâ
-
v.intr., v.tr.
indreçâ une azion a otignî un obietîf:
Bonifaci VIII, che al smirave a controlâ lis citâts e soredut lis lôr financis e al veve metût i voi e lis sgrifis ancje su Florence (Angelo Floramo, La grandece di un autôr universâl condanât al esili par simpri)
Sin. smicjâ
, pontâ
-
v.intr.
vê tant che obietîf:
la sartore, tantis voltis, e veve smirât di fâi chel lavôr «Une siore come jê no po lâ ator peçotose» i veve dit (Maria Forte, La tiere di Lansing);
ognun di lôr al à capît e al sa dut di ducj chei altris: ce che a pensin, ce che a vuelin, dulà che a smirin di rivâ (Riedo Pup, Il guviar si picje di bessôl)
-
v.tr.
cjalâ cun atenzion o maravee:
e torne a esaminâ il façolet, lu smire cuintri la lûs (Luigi Gortani, Al marcjât di Vile);
i voi dai fruts si incocalivin a smirâ chê maravee (Marisa Gregoris, La ultime faliscje)
Sin. contemplâ
, osservâ
, voglonâ
, calumâ
, lumâ
, olmâ
, voglâ