tiessi
/-è-/
tie|ssi
[AF]
-
v.tr.
incrosâ cul telâr i fîi de trame e de urdidure par fâ une stofe, ancje ass.:
siore Lise e nudrive un agnel blanc e un neri, e miscliçave la lane e le faseve tiessi dal Cjargnel e e someave propit saltade fûr de miôr buteghe di panine (Maria Forte, Cjase di Dalban);
sô mari i veve za comprade la lane dal jet di matrimoni e al jere za mês che Betine i tiesseve i linzûi di cjanaipe (Pieri Menis, Sul agâr)
Sin. intiessi
Var. cjessi
-
v.tr.
formâ alc incrosant o ordenant plui elements:
sentât dongje il fogolâr al lavore a tiessi un zei di vencs (Pieri Somede dai Marcs, Resurezion a Pontinie);
ti batevin jù il paviment di arzile, o che tal tiessevin di modon, o di pedrât, o di piere (Riedo Pup, I furlans e il camarin)
Sin. intiessi
-
v.tr.
(fig.)
preparâ cun ordin, ancje in maniere che altris no si visin:
simpri in rapine e a tiessi trainis e robariis (Josef Cjargnel, La caroce di aur di Sant Martin);
la uce e sburtave a tiessi svindics cuintri dai siôrs (Dino Virgili, La aghe da pît la cleve)
Sin. preparâ
, parecjâ
, prontâ
, dâ dongje
, imbastî1
, inmaneâ
, filâ
-
v.tr.
(fig.)
realizâ alc che al compuarte un incrosâsi, un scambiâsi, un leâsi e v.i.:
sensibilizâ chel o chel altri politic locâl, tant di podê cui agns tiessi une rêt di relazions utilis par che si fasi un sfuarç coordenât (Adrian Cescje, Memoriis di politiche linguistiche)
Sin. fâ
, leâ
, strenzi
Proverbis:
- cuant che il ragn al ties la tele, la massarie e po metile a suiâ
- parê e no jessi al è tant che filâ e no tiessi