tamosse
/-ò-/
ta|mo|sse
[CO, TS]
-
s.f.
agr.
struture coniche o piramidâl fate di cjanis di cereâi taiadis e lassadis a suiâ tal cjamp:
omps, feminis e fruts vie pai cjamps a crevâ lis panolis, a taiâ il soreâl e metilu in tamosse (Giovanni Duca, Remanzâs une volte...);
a tacarin ducj i doi a cjariâ lis tamossis sul cjar e a setâlis cui forcjons, sence dî atri (Nadia Pauluzzo, Il bintar);
o viôt les tamossis di Selvucis, vuluçadis te fumate (Checo Tam, Les tamossis)
Sin. cjape1
, staipe
, musse
, cabosse
, cosse
-
(ancje fig.)
in paragons o metaforis par dî di cdn. grant e grues:
la femina doventada come na tamossa (Celso Macôr, Soreli a mont)
-
s.f.
grum di stecs, lens, paie e v.i. che si bruse tai cjamps par ciertis fiestis, soredut pe Pifanie:
lavin a cjanis e soreâl pa cjasis e ducj dave un balç tal dì da tamosse [...] ator da tamosse disevin: "Preait che e vegni buine anade!" (Andreina Nicoloso Ciceri, Testimonianze del popolo cormonese)
Sin. pignarûl
, paiarûl
, foghere
, panevin
, boreon
, fugarice
, burielon
, pignarili
, fugaron
Cfr. avent
, medili
, Pifanie
-
s.f.
cjase puare o provisorie fate di cjanis o ramaçs:
[Grau] nol fo nuie plui che un grop di cjasis discrodeadis, di tamossis tiessudis di cjanusse, e un popul di pescjadôrs (Josef Marchet, Cuintristorie dal Friûl fin sot la Italie)
Sin. staipe
, casope
, cason1
-
s.f.
masse di nûi o di fumate:
il soreli si scocolave fûr di une tamosse di fumate e lis ombrenis si imparevin simpri plui par tiare (Dino Virgili, La aghe da pît la cleve)
Sin. musse