Dizionari de Lenghe Furlane

fugarele  /-è-/  fu|ga|re|le  [CO]

1. s.f. fûc avonde piçul:  al mene el pueret dongje da fugarele par che al si scjaldi (Dolfo Zorzut, Ipocrisie, ipocrisie, el Signôr ti cjastie)
   Sin. fugarel , fugareli , fugarice
   Cfr. fûc
2. s.f. fûc, ancje grant, fat tal viert, soredut pe Epifanie o par altris fiestis:  al ploveve saldo, in chê dì che o sin lâts a benedî intal doman de Pifanie. Nuie fugarele, si ben che a le vevin prontade biele insom dal cjamp di balon, cu la strie là sù (Laurin Zuan Nardin, Il cop)
   Sin. pignarûl , paiarûl , fughere , panevin , boreon , fugarice , burielon , pignarili , fugaron , tamosse , fugarel , fugareli