Dizionari de Lenghe Furlane

musse  mu|sse  [CO]

1. s.f. individui feminin di Equus africanus asinus:  vait ta stale, viodarês a çampe une biele musse grasse; cjolêtle e menaitle vie (Dolfo Zorzut, Cui che al coione, al reste coion); [il frari] si lu sintive da lontan, e simpri a pâr da la sô Nina, la grant musse grise dal convent che e tirave il caret cjamât di sacs (Pieri Somede dai Marcs, Fra Silvio)
   Cfr. mus
2. s.f. (fig.) femine o fantate o frute pôc inscuelade o pôc inteligjente o pôc creançose, ancje tant che ofese gjeneriche:  chê musse di mê fie / je frescje e biele, e no ûl savênt di siôrs. / Fâs l'amôr cu un sartôr che l'è un pitoc (Pieri Çorut, La viele); "Tâs, brute musse e finissile. I contarai jo dut ae parone!" (Vittorio Vittorello, A ogni cost)
3. s.f. (fig.) striche di cjarte o altri simbul denigratori che si meteve intor di scuelârs no preparâts o che no si vevin compuartât ben
4. s.f. (fig.) sume di bêçs di un cont di debit o di credit:  al è lât vie lassant une biele musse là che al mangjave (Giulio Andrea Pirona, Ercole Carletti, Giovanni Battista Corgnali, Il Nuovo Pirona); nuie mancul che corantecuatri mil francs. Cjape mo! Che sarès la musse di: la tasse, plui la "mora", plui interès, plui "sanzioni" (Pieri Cressat, Un câs speciâl: la S.O.C.O.F.)
5. s.f. grum lunc cun dôs rivis, o grum in gjenerâl:  "Citadins! …" dissal a fuart il Sindic montât suntune musse di tiere (Dino Virgili, La aghe da pît la cleve); cuant che e jere strache si indurmidive tal soreli o daûr de mede dai fassuts; cualchi volte ta la arie sot de musse di stranc (Pieri Menis, Pascute); atent tal movimi par no fâmi colâ intor une musse di scjatulis (Alan Brusini, Gian Paolo Linda, I forescj)
   Sin. grum , côl , tasse¹
6. s.f. [TS] artes. struture di len, incancarade tal mûr, che e ten sù la cjalderie grande dal lat par fâ il formadi
7. s.f. (oc.) imprest par puartâ robe, cuntune sole ruede denant e cun dôs stangjis par sburtâlu a man
   Sin. cariole
   
   1. imprest o veicul cence ruedis, par puartâ robe su la nêf o su la glace
      Sin. slite , loze²

Polirematichis e espressions idiomatichis

• cjapâ la musse loc.v.
• parâ sù la musse loc.v.

Proverbis:

• cuant che mus al vûl, musse no vûl; cuant che musse e vûl, mus nol vûl
• mus e musse prest si intindin