Dizionari de Lenghe Furlane

slite  sli|te  [CO]

1. s.f. veicul par lâ su la nêf e su la glace tirât di bestiis o di personis, che al à plui o mancul la struture di un cjar che invezit des ruedis al à stangjis che i permetin di slicâ:  al lave dilunc pal troi di nêf batude e lustri di glace sore la sô slite tirade di doi cjavai (Renzo Balzan, Il Criston di Raibl)
   Cfr. loze²
   
   1. imprest de stesse sorte, ma plui piçul, par zuiâ o par fâ garis:  o viôt stant in sofite, / che al tint a neveâ; / o ten in pront la slite / che o speri di doprâ (Pieri Çorut, Il Strolic furlan par l'an 1855); cheste vision straordenarie mi faseve pensâ ae cjaminade di îr sere su la nêf, aes corsis cu la slite di frut su lis culinis di Tresesin (Alan Brusini, Gian Paolo Linda, I forescj)
2. s.f. veicul che si passe pes stradis cuviertis di nêf par parâ la nêf in bande:  la nêf alte si jere induride e la slite si alçave e no faseve prese (Pieri Somede dai Marcs, 11 di Fevrâr 1929)
   Sin. sliton