strucjâ
stru|cjâ
[AF]
-
v.tr.
disvuedâ un recipient voltantlu injù e fasint che al ledi jù dut il contignût:
e tirà fûr di un scansel une borse e je strucjâ tes mans che si implenarin di bêçs (Pieri Menis, Sul agâr)
Sin. voltâ
, zirâ
, ribaltâ
-
fâ colâ alc di un recipient, in câs ancje di un recipient intun altri:
al pensà di meti il zucar, ma al tremave masse e int strucjà un alc sul banc (Amedeo Giacomini, Tal ospedâl);
la femine di Tite mulinâr, Sabide, e à pene strucjât la polente su la bree (Diego Navarria, La crepe);
"Il cafè al è pront, se al vûl jal strucji jo" (Alan Brusini, Gian Paolo Linda, I forescj)
Sin. ribaltâ
, stranfâ
, sbranfâ
, spandi
-
fâ colâ in gjenerâl:
si volte e clopant come un cjoc e strucjant cualchi cjadree al viarç la puarte, e vie fûr lui (Dolfo Zorzut, La furlane);
un moment dopo il ramaç al fâs "crac!" a si sbasse e lu strucje jù tal prât (Luigi Gortani, Il matescul di Cjabie)
Sin. ribaltâ
-
v.tr.
(fig.)
fâ rivâ alc, sedi materiâl che imateriâl, intor di cdn. o di alc, soredut in grande cuantitât, cun ostilitât e v.i.:
Vignesie, in chê ocasion e pensà ai siei fats, cence mandâ nissun jutori ai furlans, e dopo ur strucjâ daprûf un grum di insolencis (Josef Marchet, Cuintristorie dal Friûl fin sot la Italie);
no je vere che la int e domande dome lis fufignis che nus strucje intor la television (Laurin Zuan Nardin, Çurviei Scjampâts: la emigrazion dute di ridi tal spetacul dal Teatro Incerto)
Sin. butâ
, ribaltâ
, trai
-
v.tr.
(fig.)
fâ lâ mâl, fâ finî:
cuant che il puar Mucul, a fuarce di slizeriments, al à fat faliment, tu âs dade une man a strucjâlu (Josef Marchet, Lis predicjis dal muini)
Sin. ribaltâ
, savoltâ
, mandâ par aiar
, mandâ cui pîts par aiar
Proverbis:
- a vuelin siet umign a fâ une cjase, e baste une femine a strucjâle
- cui che al mene al strucje
- il purcit co al à bevût il lavum al strucje il podin
- jude cui che al à voie di fâ ben e cui che al vûl lâ in malore judilu a strucjâ
- la femine savie e drece la cjase e la mate le strucje