Dizionari de Lenghe Furlane

sporc  /-ò-/  sporc  [FO]

1. adi. che nol è net, che al à cragne intor o sù o dentri:  a restarin su la taule lis scudielis cui fonts di mignestre e lis tacis sporcjis di vin (Maria Forte, Cjase di Dalban); al tornave strac di sore sere cui bregons sporcs di tiere (Dino Virgili, La aghe da pît la cleve); un cjavalut ruan, piel e vues […] nol jere bon nancje di menâ fuart la code, lungje e sporcje, par parà vie i moscjons (Pieri Somede dai Marcs, La cavalarice)
   Sin. bisont ipon. , contôs ipon. , cragnôs , impacjucât ipon. , incragnît , ont ipon. , scuintiât ipon. , tacolât ipon. , poçolât ipon.
   
   1. di cdn., che nol ten cont de igjiene:  "A nol è che o sedin sporcs, al è che lui no si le gjavarès vie mai [la maiute di Zidane], nancje cuant che al va tal jet" (Maurizio Mattiuzza, La maiute di Zidane)
2. adi. di colôr, no pûr, miscliçât cul grîs o cul neri:  dôs spuindis altis, cun baraçs e plachis di glerie di un blanc sporc (Agnul di Spere, Cjalant la rive)
3. adi. (fig.) che al è cuintri de morâl, che nol è onest o che si bute tal vizi:  il mont cu la sô politiche sporcje al è dute une bausie (Pieri Somede dai Marcs, Al è muart Cercil); ma no stâ crodi che ducj i lavôrs a sedin nets: a 'ndi è ancje di sporcs […] a lavorin a lôr mût ancje i laris, i imbroions, i rufians […] (Josef Marchet, Lis predicjis dal muini); chel at di amôr jal vevin simpri descrit come une robe sporcje, mostrât simpri sot une lûs di pecjât, di colpe (Roberto Ongaro, Il muc)
   Sin. carognôs , cjamoiôs , cragnôs , depravât , disonest , imorâl , porc , soç , vergognôs , vîl
   
   1. che al va cuintri de creance:  nus à dât, a noaltris regjonaliscj, il titul di "ingenui". Par furlan cheste peraule si podarès voltâle cun tantis altris, dutis pitost sporcjutis: o sielzìn, par rispiet la plui nete: dordei (Josef Marchet, Svelts e dordei); al è avonde che i passi un fros sot dal nâs par butâmi cuintri un ledan di peraulis sporcjis (Maria Forte, Varc di confin)
4. adi. (fig.) che al à a ce fâ cu la sessualitât in maniere volgâr:  Vigji Mandulin, un omenut che inmò al va ator pes ostariis a fâ la sunade. Al sune e al cjante cjantosis vieris, legris, di amôr, mataranis, di curtìs e ancje sporcjis (Alan Brusini, Cercandui); barzaletis sporcjis
   Sin. licenziôs , ossen , slavrât , triviâl , volgâr
5. adi. (fig.) che al è fat, ancje di pueste, cence cure, cence perfezion tecniche:  e jere la mostre fotografiche "Bambini" di Paolo Pellegrin. O soi restât fulminât: incuadraduris sporcjis, imagjins no a fûc par mostrâ fruts, ancje in situazions di vuere (Erika Adami, Sul troi de poesie visive)
6. adi., s.m. (fig., enf.) tant che adietîf negatîf gjeneric o par rimarcâ cualsisei aspiet negatîf, ancje tant che ofese:  se no fossis stât tant tacât a chei sporcs di bêçs e se o vessis fate un pocje di caritât, invezit di sparagnâ… (Igino Macasso, Sparagns mangjâts da lis surîs); "Brut insolent di un sporc…" (Pieri Piçul, Vieri e gnûf)
   Sin. porc , maledet , cragnôs
7. adi. [TS] econ., cum. di sume di bêçs, calcolade in complès contant ancje lis spesis, lis impuestis e v.i.:  une incarghe di 750 euros sporcs (Redazion Il Friuli, La ARLeF e cîr intervistadôrs)
8. s.m. robe o sostance che no je nete o che se e ven in contat cun alc e fâs che nol sedi plui net:  un sporc, une peste di lisp e di stiç di fâ gomit (Alan Brusini, Amîs come prime); si cjalave la gjachete e i bregons ducj plens di polvar, ma chel al jere il sporc di cui che al lavore, un sporc che nol faseve fastidi (Carlo Sgorlon, Prime di sere)
   Sin. cragne , soç , porcarie
9. s.m. prime redazion no definitive di un test:  scrivi prime in sporc e dopo in biele
   Cfr. stampon

Polirematichis e espressions idiomatichis

• a la plui sporcje loc.av.
• a sporc loc.av., loc.adi.inv.
• ae plui sporcje loc.av.
• cafè sporc loc.s.m.
• cusine sporcje loc.s.f.
• fâle sporcje loc.v.

Proverbis:

• il sporc e il malmont a àn il cûl taront
• la aghe sporcje no lave
• la robe sporcje si lave in cjase
• la vacje sporcje a sporcje chês altris
• mont mont, sporc unmont
• mont sporc
• no bisugne mostrâi a dinissun la cjamese sporcje
• no si freisi tant se no si è sporcs
• no stâ crodiur mai a chei che a àn politiche sporcje
• prin viôt se tu âs la cjamese sporcje po scuintiije a di chei altris
• sporc e mont a fasin il cûl taront
• une vacje sporcje e cîr simpri di sporcjâ chê altre
• une vacje sporcje e scuintie ancje chês altris