slavrât
sla|vrât
[CO]
-
p.pass., adi.
viôt slavrâ
, viôt slavrâsi
Var. sdavrât
-
adi.
che al à i ôrs sfuarçâts, rots, iregolârs:
une gjachete nere, slavrade e cragnose (Alberto Picotti, Ustinut)
-
adi.
dut viert, soredut cence armonie, cence rivuart di parê bon:
Cabule sot il len grant al sunave la armoniche cu lis gjambis slavradis e il cjâf in bande a scoltâsi (Dino Virgili, La aghe da pît la cleve);
si disvidave su la cjadree come se e ves vût il bal di Sant Vît, e tirave doi voglons slavrâts (Josef Marchet, Lis predicjis dal muini)
Cfr. spalancât
, spampanât
, scocolât
, discocolât
-
adi.
distirât cence rivuart di parê bon:
la femine ogni dì mi cjol il sfuei / che jo, dopo gustât, / o lei, di pensionât come che o sei, / slavrât sul canapè (Meni Ucel, Diari, 15 di Març dal 73)
Sin. sdravuacât
, butât
-
adi.
no moderât, che al va fûr dal vade:
tal mont e regne la supierbie e la sessualitât plui sfrenade, slavrade e sataniche (Antoni Beline, La fabriche dai predis)
Sin. spampanât
, esagjerât
, sfolmenât
, scalmanât
-
adi.
pôc o nuie fin, creançôs, elegant:
no il latin petenât dai scritôrs, che si studiin a scuele, ma chel slavrât e sgjarnât dai soldâts, dai marcjadants, dai fatôrs e dai sclâfs (Josef Marchet, Cuintristorie dal Friûl fin sot la Italie);
une barbe di vot dîs e une vosate slavrade che dome a sintîle i cjavai a slungjavin il pas (Dino Virgili, La aghe da pît la cleve)
Sin. volgâr
, ordenari