Dizionari de Lenghe Furlane

slissâ  sli|ssâ  [AF]

1. v.tr. (ancje ass.) tocjâ cu la lenghe, passâ la lenghe su alc
   Sin. lenzi , slapagnâ ipon. , lescâ
2. v.tr. fâ deventâ slis metint in ordin in mût che la superficie e sedi distirade, cence grispis o cence elements che a dan infûr:  i pareve za di pleâsi sul bonodôr de robe nete, …di sopressâle e slissâle cu lis mans (Maria Forte, Cjase di Dalban); passant parsore vie lis mans come par slissâle, e stirà tant lungje che e jere la siarpe (Pieri Menis, La maghe no fale)
   Sin. petenâ ipon. , slissotâ , splanâ , vualivâ , vuaiâ
   
   1. passâ in maniere lizere cu la man, soredut daûr dal viers dal pêl, o ancje in gjenerâl, pal plui tant che segn di afiet:  «Povera Nina, povera Nina» i diseve fra Silvio [ae musse] slissantle su lis strissis dulà che il pêl al jere mâl vuaiât (Pieri Somede dai Marcs, Fra Silvio); un gjat salvadi che no tu puedis slissâlu cence pensâ che al puedi sgraçâti di un moment a chel altri (Adrian Cescje, Memoriis di politiche linguistiche)
      Sin. cjareçâ , cjarinâ
3. v.tr. (fig.) tratâ ben, soredut in maniere ipocrite e par vê un tornecont:  la mê lenghe no use a mormorâ, / e tant manco a lecâ (Pieri Çorut, La fotografie di Pieri Çorut)
   Sin. adulâ , cortizâ , freolâ , incensâ , lenzi , lissâ , rufianâsi , sfreolâ , sprofumâ , lustrâ¹
4. v.tr. puartâ vie, robâ:  "Dai, dai, no stâ stâ a cincuantâ cumò… Se ti fâs la piel, ti cjol ancje il cjaval, no?, e cussì a ti no ti reste nie dopo. Da ca!…" e i gjave di man la cjavece e i leche il cjaval (Dino Virgili, Titon dai siet pecjâts mortâi)

Polirematichis e espressions idiomatichis

• slissâ il pêl loc.v.