splanâ
spla|nâ
[AF]
-
v.tr.
fâ deventâ plan, fâ che la forme, la disposizion di alc e stedi suntun plan vualîf:
a roncjarin a sun di massanghete sterps e baraçârs, a svegrarin a fuarce di palis e pics e sapons a vuaiâ, a colmenâ, a imbunî rivuats e sfondaris, a splanâ bârs e grumbulis (Dino Virgili, La aghe da pît la cleve);
li la strade e jere dute par aiar, che a jerin daûr a slargjâle e a splanâle cui bulldozer (Carlo Sgorlon, Prime di sere)
Sin. avualâ
, nivelâ
, pulî
-
v.tr.
(ancje ass.)
passâ cu la splane, lavorâ un toc, soredut di len, cu la splane par fâlu plui fin e plui slis:
Da là un moment la butega a fo cueta, inçussida come simpri, cul fantat che al splanava na brea (Novella Cantarutti, Il Crist sclagn)
-
v.tr.
(fig.)
butâ jù, sdrumâ, taiâ, seâ ce che al è in pîts, di maniere che al sedi dut a nivel de tiere:
[i paisuts] che a circondavin Palme […] a forin splanâts vie dal dut par ordin di Napoleon (Laurin Zuan Nardin, Sante Marie, Merêt e Roncjetis)
-
v.tr.
(fig.)
gjavâ lis diferencis, fâ che diviers elements, materiâi o imateriâi, a sedin ducj compagns:
i guviars si lambichin a limitâ chestis diferencis, a roncjâ, a dispedâ, a cuinçâ, a splanâ, a dreçâ, a unificâ plui che a puedin la mandrie che ur va daûr (Josef Marchet, Personis e pipins)
-
v.tr.
indreçâ une arme cuintri cdn.:
palpiere no si bat: cjolt l'è il respîr: / Si splanin ju arcabûs: da ducj si tire… / La puare bestie è deventade un draç (Pieri Çorut, Il lôf di Luncjamp)