cjareçâ
cja|re|çâ
[AF]
-
v.tr.
tocjâ passant in maniere lizere, soredut cu la man e soredut tant che segn di afiet:
sô mari cumò lu bussave, i rideve, lu cjareçave (Pieri Menis, Sul agâr);
si vicinà al frut e i cjareçà i cjavei bionts (Maria Forte, La tiere di Lansing)
Sin. fâ a cjâr
, sossolâ
, cjarinâ
, fâ a cjarutis
-
v.tr.
(fig.)
ancje dal aiar, de aghe o altri, tocjâ in maniere lizere:
e sintive i sbufs dal aiarin che al cjareçave cence fâ rumôr lis cjasis, lis plantis, il mont intîr (Pieri Menis, Chei di Muraie);
si sintive la nêf, sot vie, a cjareçâ lis ruedis (Maria Forte, La tiere di Lansing)
Sin. cjarinâ
-
v.tr.
(fig.)
ancje di alc di imateriâl, rivâ a fâsi sintî, vê un efiet delicât:
chestis peraulis, ancje se pronunziadis in maniere pluitost maliziose, mi àn cjareçât el cûr (Arturo Feruglio, Viaç a Vignesie)
Proverbis:
- cui che al vûl la fie che al cjareci la mari