Dizionari de Lenghe Furlane

scuziâ  scu|zi|â  [CO]

1. v.tr. tocjâ o becâ in maniere lizere, in mût di fâ ridi, di fâ vê reazions ancje involontariis, di dâ fastidi:  la musse, sintintsi a scuziâ, si dismôf e si met a ripâ (Dolfo Zorzut, Cui che al coione, al reste coion)
   Sin. ghitiâ , fâ ghiti , cuziâ , fâ ghiti ghiti , fâ catarigulis
   Cfr. sbisiâ , bisiâ , sbisigulâ , piçâ
   
   1. dâ une sensazion come di alc che al beche:  vin garp che al scuzie tal cuel
      Sin. becâ
2. v.tr. (estens.) tocjâ in maniere lussuriose:  [i Turians] a ti capitavin jù par disturbâ la fiesta. Cjapavin li feminis, li scuziavin, vuadulavin i puers zovins, e i rompevin i lirons ai sunadôrs (Dolfo Zorzut, I Turians di Spessa)
   Sin. palpâ , palpaçâ , tocjâ , cuziâ
3. v.tr. (fig.) dâ un stimul, soredut sutîl e ripetût:  si disarès che tu vebis ingrumadis intun cjanton dal stomi dutis lis inicuitâts, e cuant che il bacaro al rive a scuziâlis, si inviin fûr pal glutidôr come une prucission di furmiis (Josef Marchet, Lis predicjis dal muini)
   Sin. stuzigâ , cuziâ
   
   1. provocâ o criticâ a peraulis:  Carmele, dopo mai che mi scuziave di lâ a robâ cualchi gjaline (Pieri Menis, La gjaline robade)
      Sin. becâ , ticâ , stuzigâ , cuziâ , pontâ
4. v.intr. (ancje fig.) sintî o dâ la percezion di alc che al tocje, che al beche, che al stimole, che al provoche e v.i.:  nissun sa ze che al scuzie [il cûr] / cuant che al smanie di passion (Maria Gioitti del Monaco, Mâl di cûr)
   Sin. cuziâ