palpâ
pal|pâ
[AF]
-
v.tr.
tocjâ cu la man cuntune cierte pression par sintî la consistence o la forme di alc:
il client nol rispuindè nuie: al cjalà il purcit, lu slissotà, lu palpà e po al disè: «Ti doi trente francs» (Meni Ucel, A marcjât);
[il miedi] al niçà plui di une volte il cjâf intant che al tornave a palpâi il pols no fassât (Amedeo Giacomini, Tal ospedâl);
"Guri, Guri palpe chi, sint…" e i cjapave la man che al sintis a sbalçâi la panze (Dino Virgili, La aghe da pît la cleve);
el vuarp da la armonighe / si tache a sunâ; / al palpe pes taulis: / «Signori son qua!» (Romeo Battistig (?), Ai Piombi)
Sin. tastâ
, tocjâ
, cjapâ
-
(fig.)
fâ la prove di alc, capî alc cu la esperience:
e je la ocasion par palpâ la adesion dai scoltadôrs al progjet (Max Mauro, Un Friûl difarent: i 90 mhz di Onde Furlane);
il pols dal public, noaltris o vin tancj mieçs par sintîlu; e lu palpìn simpri (Josef Marchet, Di bessôi)
-
v.tr.
tocjâ cun intindiment erotic:
"Mi met a berlâ, mi sbreghi la cotule e o dîs che mi vês palpât il cûl. Un e un doi! Darest tu, cun chei ocjaluts li, tu âs une muse di sporcacjon […] (Fabian Ros, Il lôf);
a pensâ che altris di lôr le strenzin, che le palpin cence discrezion, che altris le bussin su la bocje che e je une rose, mi da un riviel che o scuen cjalâ di une altre bande (Alan Brusini, Gian Paolo Linda, I forescj)
Sin. palpaçâ
, palponâ
, tastâ
, tocjâ