Dizionari de Lenghe Furlane

sbregâ  sbre|gâ  [FO]

1. v.tr. rompi cun fuarce un tiessût, une cjarte o sim.:  cjartis, cjartis che a Carlin no i disevin nuie; robe di butâ tal ledan o di brusâ. E lui al començà a sbregâ, a fâ flics e a ingrumâ sul caminet (Pieri Menis, Chei di Muraie)
   Sin. sgnangassâ
   Cfr. slambrâ
   
   1. tirâ vie alc rompint la part dulà che al è tacât a un supuart, a un insiemi di altris elements e v.i.:  al tirà fûr un vieri album di disen di applicazioni tecniche, al sbregà un sfuei e tal daûr al disegnà une bandiere cui penarei zâi e ros (Checo Tam, Sense)
      Sin. sbregâ vie
2. v.tr. (fig.) rompi, sbusâ, puartâ vie e v.i. une cualsisei robe, no dome di tiessût, cjarte o sim.:  e je di fâ la roste tal cjamp dal flum che la brentane no sbreghi i remis (Dino Virgili, La aghe da pît la cleve)
   
   1. ancje in riferiment a concets o robis imateriâls:  meti in vuardie la Italie cuintri il pericul des autonomiis regjonâls che e sbregaressin la unitât nazionâl (Josef Marchet, I trê savis di là jù)
3. v.tr. dâ la impression di rompi o interompi, spec. cuntun moviment o cuntun sucedi imburît, traviersant:  un colp sec [di sclope], e il sivilâ di une bale al sbregà l'aiar come un urlon (Pieri Menis, Sul agâr); une saete, sbregant il cîl, e vierç i nûi intune viamente sglavinade (Franco Marchetta, Madalene)
   Sin. taiâ , crevâ , rompi , scjavaçâ
4. v.tr. (fig., ancje ass.) dâ grandis soferencis:  par cui che l'à fede, al dolôr che al taia, che al sbrega e al sgnangassa, al è plasê, plasê che nol si disfanta (Ugo Pellis, Al mandolâr)
   Sin. sbridinâ , tormentâ , tumiâ
5. v.intr. produsi potence, fâ fuarce, lâ sù di zîrs:  a incolmenarin il casselot [dal camion] dit e fat: sù pal troi, par tornà su la strade, il motôr al sbregave sot sfuarç (Dino Virgili, La strade come un destin)

Polirematichis e espressions idiomatichis

• sbregâ il mont loc.v.
• sbregâ jù loc.v.
• sbregâ la anime loc.v.
• sbregâ vie loc.v.