slambrâ
slam|brâ
[CO]
-
v.tr.
rompi cun violence e cuntune cierte iregolaritât un tiessût, une membrane, un alc di plui o mancul sutîl e larc o un alc formât di elements plui o mancul sutîi e larcs:
[...] si puedi lâ sul pomâr a racuei i piarsui cun comuditât sence slambrâ i vestîts e sence scjaveçâ li menadis (Giuseppe Ferdinando del Torre, Il contadinel. Lunari par l'an bisest 1860);
a colps di une maçuele di fier e je stade slambrade la seconde casse di lamarin (Pieri Somede dai Marcs, I "resti")
Sin. sbregâ
Cfr. rompi
, disfâ
, sfonderâ
, crevâ
-
rompi cun violence e cuntune cierte iregolaritât cualsisei robe:
une scaie di bombe / la cuesse gjestre e i slambre (Angelo Raffaele Zuliani, Une gjambe di len)
-
v.tr.
gjavâ vie, rompi vie cun violence:
[lis striis] cu li sgrinfiis a gji gjavin fûr i voi, gji slambrin li vuarelis (Dolfo Zorzut, Bisugne nassi cu la cjamese!)
Sin. slambrâ vie
, sbregâ vie
, sbregâ
-
v.tr.
(fig.)
causâ un dolôr o un dam, ancje no fisic:
mi slambravin il cûr chescj sentiments (Pieri Çorut, Il nestri dolôr in muart del Arcivescul Zacarie Bricito)
Sin. sbregâ
, sbridinâ
-
v.tr.
(fig.)
fâ alc che si pues paragonâ a rompi, taiâ, vierzi e v.i., dâ la sensazion o impression di rompi, taiâ, vierzi e v.i.:
la lum che e veve slambrât il scûr e seguitave a inceâlu (Mario De Apollonia, Il timp par ledrôs);
cul lôr vosarili a vevin slambrât il cidin (Agnul di Spere, La scjate rosse)
Sin. sbregâ