mês1
mês
[FO]
-
s.m.
ognidune des dodis dadis di timp di plui o mancul trente dîs che a formin un an:
no si visave ben cuant che al jere nassût, di sigûr tal 1951 ma nol saveve di precîs, ni il mês ni la zornade (Franc Fari, Il cjâf dai furlans);
a passarin vie Jugn, i mês dal Istât e chei de Sierade cence che de Regjon al vignìs nissun segnâl di cjapânus in considerazion (Adrian Cescje, Memoriis di politiche linguistiche);
vie pai mês di Lui e di Avost di chei agns, e comprave une angurie in dì (Meni Ucel, Scussis)
Cfr. Zenâr
, Fevrâr
, Març
, Avrîl
, Mai
, Jugn
, Lui
, Avost
, Setembar
, Otubar
, Novembar
, Atom
, Seseladôr
, Brumâl
, Dicembar
-
s.m.
timp che al dure sui trente dîs:
un mês e mieç dopo, il vuardian mi puarte la intimazion di presentâmi a paiâ sîscent e sessantesiet francs (Riedo Pup, Jo, evasôr fiscâl);
une barbate che e doveve jessi un mês almancul che no le veve fate (Pieri Somede dai Marcs, Strambariis)
-
s.m.
sume di bêçs che si cjape o che si paie mês par mês:
l'avocat al è masse bon e ducj si profitin di lui, e intant a mi al stente a dâmi fin il mês (Pieri Somede dai Marcs, L'avocat e la luianie);
fasìn dôs riis di contrat, mi da une capare e un mês di fit devant trat (Pieri Somede dai Marcs, Cjase di fitâ)
Sin. mesade
-
s.m.
cicli mestruâl:
si jere inacuarte, sì, ancje jê [di spietâ un frut]: e mangjave une scugjele di caglade e po e sintive volt di stomi… e po… il mês… (Dino Virgili, La aghe da pît la cleve)
Sin. cors1
, mestruazion
, cors di sanc
, flus
, mâl dal flus
, mâl solit
Proverbis:
- cui che al vûl stâ ben une dì, che al mangji ben; un mês, che si maridi; un an, che al maci il purcit; dute la vite, che al ledi predi
- di Sante Catarine a Nadâl un mês bielavuâl
- ducj i mês no son di trente dîs
- i gjambars a son bogns in chel mês che al jentre l'ere
- i sîs ultins dîs dal an e i sîs prins a palesin i mês
- il mês di brume ogni diaul si ingrume
- il mês di brume ogni peçot si ingrume
- il mês di Jugn la sesule tal pugn
- il mês di Jugn si jemple il pugn
- il mês di Març i comprà la pelice a sô mari
- la barbe il ben di un dì, la femine il ben di un mês, il purcit il ben di un an
- la ombrene dal mês di Avost e fâs dulî la panze il mês di Zenâr
- la vacje dal bon bovâr e bute jù il pêl il mês di Zenâr
- ogni mês si fâs la lune, ogni dì si impare une