Dizionari de Lenghe Furlane

Març  Març  [FO]

1. s.m. tierç mês dal an solâr, jenfri Fevrâr e Avrîl:  a Fevrâr e Març, co si cuincin lis vîts une altre volte e tal ort si svangjin i strops e tai cjamps si sint odôr di comut (Alan Brusini, Par stradis lungjis)
   Cfr. mês¹ , marçade , marçûl

Proverbis:

• ancje Març al scuen fâ lis sôs marçadis
• di Atom e di Març la gnot e il dì si spart
• il mês di Març i comprà la pelice a sô mari
• Març al intenç, Avrîl al lenç
• Març al marcìs, Avrîl al sepulìs
• Març al mene la code pal bearç
• Març sut, Avrîl bagnât, Mai temperât, beât chel che al varà semenât
• Març un fûs a sfuarç
• se Zenâr nol zenare e Fevrâr nol fevrare, Març mâl al fâs e mâl al pense
• tantis rosadis di Març, tantis ploiis di Avrîl