Avrîl
A|vrîl
[FO]
-
s.m.
cuart mês dal an, jenfri Març e Mai:
i prins di Avrîl dal 568 [i Langobarts] a rivarin a Cividât e li lôr re Alboin al stabilì come duche so nevôt Gjisulf (Josef Marchet, Cuintristorie dal Friûl fin sot la Italie);
lis stradelis che a inceavin sot il soreli di Avrîl a parevin tiradis dretis cu la scuare (Franca Mainardis, Grivôr)
Cfr. mês1
Polirematichis e espressions idiomatichis
Proverbis:
- Avrîl al vûl ploie par sutîl
- cuant che la ue e nas di avrîl, si bêf par sutîl
- cuant che nol cjante il cuc pai tredis di Avrîl, bisugne lâ in comun a cirîlu
- cui che al è di biele forme in avrîl al torne
- il vin al è bon di Avrîl pûr e Mai temperât
- in Avrîl si bute la cjalce pal curtîl
- la prime ploie di Avrîl il cai al salte fûr dal so covîl
- Març al intenç, Avrîl al lenç
- Març al marcìs, Avrîl al sepulìs
- Març sut, Avrîl bagnât, Mai temperât, beât chel che al varà semenât
- no mi cjalâ di Avrîl che o soi intal covîl, cjalimi di Mai e se no ven, vai
- par dut Avrîl no jessî dal covîl
- tante poçale di Zenâr, tante ploie di Avrîl
- tantis rosadis di Març, tantis ploiis di Avrîl
- vin di avrîl, vin zentîl