Mai
Mai
[FO]
-
s.m.
cuint mês dal an, jenfri Avrîl e Jugn:
une matine dal mês di Mai, cuant che dute la tiere e va in flôr e l'aiar al nulìs di fen (Pieri Somede dai Marcs, Gnot di Nadâl);
o jerin za in Mai, un Mai di chei rârs, clip e dorât e, di sere, un bonodôr di rosis pardut (Alan Brusini, Par stradis lungjis)
Sin. mês de Madone
, mês dai mus
-
s.m.
ancje minusc., fieste tradizionâl dal prin di Mai, cun diviersis variantis, là che pal solit i coscrits a plantin te place dal paîs un arbul cui ramaçs taiâts e cun frascjis lassadis dome insom
-
l'arbul taiât tal bocs, che si lassii frascjis dome insom, che i coscrits a puartin e a plantin in paîs la gnot dal prin di Mai:
tal gurizan ancje chei di S. Lurinç […] a àn plantât il Mai in place (Diego Navarria, Braùre furlane - Laboratori di Autonomie - facebook)
-
frascje cun regâi o cun significât simbolic dedicade dai zovins aes zovinis dal paîs te gnot dal prin di Mai:
ise vere Luziute che ti àn puartât el mai, cu li norancis e i colaçuts? (Ludwig Salvator von Österreich-Toskana, Zärtlichkeitsausdrücke und Koseworte in der friulanischen Sprache)
-
[BF]
rie di raps di ue leâts insiemi
Sin. ravueç
Cfr. macuie
, mac
, rieste
, strece
, malic
Polirematichis e espressions idiomatichis
Proverbis:
- il vin al è bon di Avrîl pûr e Mai temperât
- la prime joibe di Mai cocis assai
- Març sut, Avrîl bagnât, Mai temperât, beât chel che al varà semenât
- no mi cjalâ di Avrîl che o soi intal covîl, cjalimi di Mai e se no ven, vai
- prin di Mai Sant Jacum e Filip o cjatai, tierce dì Sante Crôs e fuì, un pôc plui tart Sant Gotart, e tal doman Sant Florean
- ue di Mai, ue assai