Dizionari de Lenghe Furlane

lampade¹  /-pà-/  lam|pa|de  [AF]

1. s.f. lûs produsude di une scjarie eletriche jenfri i nûi o jenfri i nûi e la tiere:  si vedeve ogni cuâl trat pes sfissuris dei balcons cualchi lampade, e si sintivin i tons, ma da lontan (Giovanni Gortani, La teme - Une gnot intun cjastiel); il cîl che al tacave a rugnâ, e si viodeve cualchi lampade di lontan, ma lui nol faseve câs (Fabian Ros, Un piçul particolâr)
   Sin. lamp¹ , tarlup , tarlupade
   
   1. emission di lûs curte, in câs ripetude, origjinade di cualsisei cause o aparât, no dome dai nûi:  te gnot nere si viodevin lampadis [di esplosions] di ogni bande, scjariis e ancje cualchi cainâ di cjan che al jere stât ferît (Roberto Ongaro, Il muc)
      Sin. barlum , lamp¹ , sflandôr , stralûs , tarlup , tarlupade , lupiade , lupiament
2. s.f. il cjalâ alc o cdn. in maniere svelte:  mi à dât une lampade come par domandâmi se al ere ancje chel par jê, e jo cuntune altre i ai fat capî il mio pinsîr (Giovanni Gortani, Trê Rafaei in jerbe)
   Sin. cjalade , cjalon , lumade , olmade , calumade