Dizionari de Lenghe Furlane

cjalade  /-là-/  cja|la|de  [FO]

1. s.f. il zirâ i voi bande di alc o di cdn.:  sô mari lu cjalave stant te lûs e scûr dal seglâr, cul voli smaraveât, come se lu cjalàs la prime volte e Beput al sintive a pesâ la cjalade lungje di sô mari (Dino Virgili, Dôs feminis e un frut); il basalisc al è une bestie che si cjate za intes crodincis di ete classiche: al è mieç gjal e mieç sarpint e la sô cjalade e pues fintremai copâ (Sandri Carrozzo, Friûl di Magance)
   Sin. calumade , cjalon , olmade , voglade , cuc² , cucade
2. s.f. espression, muse che e pant un sintiment, maniere di cjalâ:  si fermave plui dispès dongje la vecje none sentade a gucjâ fra barcon e fogolâr, e i domandave "None mi vûstu ben? " e si contentave de sô cjalade buine (Maria Forte, Cjase di Dalban); Pieri i le daûr cui voi intant che al jesseve, cuntune cjalade cjamade di dute la ricognossince che al jere bon (Amedeo Giacomini, Tal ospedâl); la cjalade di Eve e deventà plui striade dal solit. E pareve che e tiràs saetis cui voi (Carlo Sgorlon, Ombris tal infinît); al cirive di mostrâ une sigurece che nol veve, ma ogni tant al deve une cjalade plene di preocupazion dulintor (Carlo Sgorlon, Il dolfin)
   Sin. cjaladure , olmade , voglade
3. s.f. il cjalâ, massime in maniere svelte, par câs, cence masse atenzion e v.i.:  al bastave che e tornàs a cjapâ in man un dai siei libris di scuele, che e des une cjalade, par che dut i tornàs iniment (Carlo Sgorlon, Il dolfin); al pareve che si metès a bon, cuant che jerin tai nestris paîs al bastave che ves dât une cjalade al cîl par savê ce timp che al varès fat, ma culì ai propit pierdût la tramontane (Pieri Somede dai Marcs, Resurezion a Pontinie)
   Sin. voglade , cuc² , cucade , cjalon
4. s.f. il tignî di voli alc, par garantî sigurece:  dami une cjalade ae borse intant che o jes un moment
   Sin. voli
5. s.f. azion di verifiche svelte:  e de une cjalade al orloi, al jere ancjemò adore (Jolanda Mazzon, Fûr di timp)
   Sin. cuc² , cucade , cjalon
6. s.f. scandaiade di un test, leture svelte, par cjatâ informazions o ancje par corezi erôrs o fâ piçulis mendis:  tancj libris di vuê o pues lassâ stâ di comprâju, tant plui che, aromai, o 'nd ai tancj che no sai dulà metiju; e cussì lis rivistis, i sfueis, che si ur da une cjalade in premure, e che a disin tant pôc (Meni Ucel, Culumiis); no forin dificoltâts a cjatâ cunvigne sul test de jentrade […]. Cualchi limade e vonde. Si varès vût di tornâ a cjatâsi a Zenâr, ai 10, par une ultime cjalade e pe firme dai comissaris (Adrian Cescje, Memoriis di politiche linguistiche)
   Sin. voglade , cuc² , passade , lete , revision
7. s.f. maniere di viodi, di intindi lis robis:  ricognossi lis particolaritâts che a segnin i "popui" di chest mont, intune cjalade che e rive fin sul globâl a traviers dal locâl, te protezion e te valorizazion di dutis lis comunitâts diferentis (Buteghe dal Mont, Luche Nazzi, Guide par un consum just e solidâl); la opare artistiche e je simpri une cjalade sul mont cuntun intindiment paradigmatic, universâl (Adrian Cescje, Viaç aes origjins dal Logos)

Polirematichis e espressions idiomatichis

• dâ une cjalade loc.v.