cucade
/-à-/
cu|ca|de
[CO]
-
s.f.
il cjalâ, massime in maniere svelte, di bot, o ancje di scuindon:
il paron mi à proibît di jentrâ li dentri, ma jo o pensi di vierzi e di dâ dome une cucade a la svelte (Andreina Nicoloso Ciceri, Trê sûrs - Racconti popolari friulani I);
ducj chei leams di nature storiche, sociâl, fisiche e teritoriâl che si ju capìs ancje dome cuntune cucade sole su la cjarte gjeografiche (Luche Nazzi, La aga no ni divît);
"Sintît, po: isal biel il paradîs?" "Joi !… Ma tu, fi gno, come che ti ai dit, tu pues fâ crosetis." "Almancul lassaitmi dâi une cucade. No us al mangji migo!" (Luigi Gortani, Meni Fari)
Sin. voglade
, cuc2
, ocjade
, olmade
, vualmade
, lumade
Cfr. voli