voglade
/-à-/
vo|gla|de
[AF]
-
s.f.
azion di cjalâ, di viodi, soredut a la svelte:
chê cjase e jere masse grande e vueide, e lis cjossis a vevin lôr vôs, e Laurinç si fermà a scoltâlis. Si fermà a butâ une voglade tal armâr dai siei libris di scuele (Agnul di Spere, I prâts des Savodagnis);
o doi une voglade aes fotografiis. Ma … chê chi mi pâr di vêle bielzà viodude inalgò (Lucio Perès, Dal miedi)
Sin. cjalade
, cjalon
, cucade
, cuc2
, olmade
, calumade
Cfr. voli
-
azion di cjalâ par lei a la svelte:
lait a sintî cemût che la scuele e tire sù i nestris fruts; dait une voglade ai lôr libris, ai lôr compits (Josef Marchet, Scuele incurabil)
Sin. lete
, passade
-
s.f.
maniere di cjalâ, espression e intenzion che si comunichin cul cjalâ:
al mi à dât une voglade che crodevi che al mi sfulminàs (Pieri Somede dai Marcs, Gnot di Nadâl);
e butà une voglade a so pari: une voglade come di sfide (Roberto Ongaro, Il muc)
Sin. cjalade
, cjaladure
, cjalon
, olmade
-
s.f.
maniere di viodi, di percepî, di analizâ, di interpretâ:
ogni partecipant al à presentât la sô comunitât par mieç di un articul che al è stât cjalât no dome cuntune voglade stilistiche e gjornalistiche, ma soredut cu la voie di cognossi alc di plui su lis difarentis problematichis des minorancis europeanis (Giorgia Zamparo, Fabrizi Paschin, La scomesse de informazion)
Sin. cjalade
, cjaladure
-
s.f.
il tignî controlât cdn. o alc par viodi che al sedi regolâr, coret, sigûr, a puest e v.i. e in câs intervignî:
il miedi, vignût a dâ une voglade ae puare viele, al veve lassât capî che ancje la femine dal muini di Vile Disot e jere pes ultimis (Pieri Menis, Disore e disot)
Sin. cjalade
, cuc2
, voli