cjaladure
/-ù-/
cja|la|du|re
[CO]
-
s.f.
maniere di cjalâ, espression dai voi:
il frutat al rivà cuntun lamp di salvadi te cjaladure e l'odôr garp di chel pastiel di vin tal flât (Dino Virgili, La aghe da pît la cleve);
al jere un om grant e sec, cu la muse plene di grispis e di vues, lis ceis simpri tiradis, il cerneli ingrispât e la cjaladure malcuiete (Carlo Sgorlon, Prime di sere)
Sin. cjalade
Cfr. voli
, espression
, ombre
, lûs
-
azion di cjalâ, direzion dulà che si cjale:
su la puarte, te lûs nete da la ante, la bionde e ven a cjalâju a partî, cul voli dulinziôs. Lôr a sintin intorsi la sô cjaladure (Dino Virgili, Sabide di fruts);
e voltà la cjaladure de bande di Catine (Gianni Gregoricchio, Trê feminis)