Dizionari de Lenghe Furlane

lâ a sbati    [CO]

1. loc.v. di cdn o di alc che si môf, soredut di un veicul, finî cuintri di un ostacul:  la puarte de cjamare e jere in sfese e la lampadine che e ardeve denant de Madone su la scjale e mandave dentri un filut di lûs, tant di no lâ a sbati … tant di viodi a lâ jù (Pieri Menis, Nadâl ancje par Gjelmin); la machine cui doi becjârs e jere lade a sbati intune fracassine su la A4; scugnût clamâ i pompîrs a tirâ fûr ce che al restave (Checo Tam, Lunga e dritta correva la strada)
   Sin. çocâ , petâ dentri , sbati , lâ a bati , dâ dentri , lâ intor
2. loc.v. cjatâsi, soredut par câs, a vê a ce fâ cun cdn. o cun alc:  leìnt e confrontant fra di lôr une vore di gjornâi, si à la fortune, cualchi volte, magari par cumbinazion, di lâ a sbati in notiziis bielis, consolantis, che a vierzin il cûr di sperance (Riedo Pup, Il partît dai zovins coscrits)
   Sin. intopâsi , intivâsi , petâ , petâ dentri

Components:

• lâ v.intr., s.m.sing.
• sbati v.tr., v.intr.