Dizionari de Lenghe Furlane

dâ dentri    [AF]

1. loc.v. fâ che alc al jentri dentri:  dâ dentri un claut (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
2. loc.v. meti alc intun contignidôr o intune posizion o cundizion li che al è a disposizion par cdn.:  e dave un cuc aes bestiis tal gjalinâr, tai cjôts, cualchi volte e dave dentri la prime grampe aes vacjis te stale e po, intant che e bulive la cite, e vignive a dâ une man tal mulin (Dino Virgili, Come tornâ fruts)
3. loc.v. dâ alc di doprât, soredut a un vendidôr o a un furnidôr, tal moment che si cjape alc di gnûf:  se si da dentri la machine vecje, ti fasin un scont su chê gnove; si pues lâ in pueste dentri dal mês di Fevrâr par dâ dentri i boi cul valôr in talars e vê indaûr chei cul corispetîf in euros (Alessio Potocco, Dome piçui auments cul euro sloven)
4. loc.v. lâ cuintri, pocâ cuintri di alc o cuintri di cdn., soredut cence volê e cuntune cierte fuarce:  se no si ten la distance di sigurece si va a pericul di dâ dentri te machine devant
   Sin. petâ dentri , pocâ , lâ a sbati , sbati , lâ intor
5. loc.v. fâ alc cun impegn:  i musicants, cui bregonuts curts, i scufons blancs e lis gjambis a larc, di tant che a son gras, dan dentri di sonone a sunâ (Dino Virgili, La aghe da pît la cleve); al rivà il Sec par distaponâ la rizile. Al scomençà a dâ dentri cul picon, e a fâ slambris te tiere (Maria Forte, La tiere di Lansing)
   Sin. dâi sot , dâi dentri

Components:

• dâ v.tr., v.intr.
• dentri av., prep., adi.inv., s.m.sing., s.m.inv.