Dizionari de Lenghe Furlane

lâ a bati    [CO]

1. loc.v. finî un moviment cuntun impat:  il stropul al le a bati tal stomi al mat. Chest al petà un berli, e al colà jù devant daûr, come se a i fos capitade une bale di canon (Luigi Gortani, Il matescul di Cjabie); trê scjariis di mitra a rimbombarin pe val, lant a bati tai crets des monts intor intor e tornant a bugadis (Roberto Ongaro, Il muc)
   Sin. lâ a sbati
2. loc.v. (fig.) otignî un ciert risultât o vê ciertis consecuencis:  o sierìn un altri an, e ce an. Dificil, ruspiôs, e soredut no savìn ancjemò dulà che al larà a bati (Dree Valcic, Indevant cu la nestre muse, cence simiotâ); tal moment che lis formis di produzion a van a bati cuintri dai dirits fondamentâi di ogni om e duncje di dute la umanitât, ognidun al è obleât a domandâsi, in cussience e seont i siei principis etics, trop che al intint di deventâ compagn di colpe di cheste situazion (Buteghe dal Mont, Luche Nazzi, Guide par un consum just e solidâl)

Components:

• bati v.tr., v.intr.
• lâ v.intr., s.m.sing.