Dizionari de Lenghe Furlane

inzontâ  in|zon|tâ  [CO]

1. v.tr. [BF] fâ une sume o meti une cierte cuantitât par rivâ a une sume
   Sin. sumâ , azonzi , zontâ
2. v.tr. meti in plui, meti dongje di altris elements de stesse sorte o di altre sorte:  al à simpri lavorât, al è vêr, … ma nol à inzontât nuie ae robe di so pari (Maria Forte, Mabile la Lunghine); si inzonte trê sedons di sucar, une di rum o di cognac, une buste di levan e tal ultin si grate dentri une scusse di limon (Zuan Nazzi Matalon, Giancarlo Ricci, Il miôr de cusine furlane)
   Sin. meti , meti sù , rionzi , zontâ , azonzi
   
   1. dâ in plui, tant che regâl
3. v.tr. dî, o ancje scrivi, comunicâ e v.i., alc in plui:  “Tu no tu stâs ben” à inzontât cjapant coragjo (Celso Macôr, Al nonu Bepo); no ai ne la preparazion ne la presunzion di scrivi alc di sest e cuasi a mi vergogni di inzontâ cuatri riis a cheste vore tant grande (Antoni Beline, Introduzion ae Cuintristorie dal Friûl)
   Sin. zontâ , meti dongje , azonzi
4. v.tr. meti dongje di une pratiche, di un messaç, di une spedizion e v.i. alc che nol è l'ogjet principâl ma che al pues coventâ o zovâ
   Sin. meti in zonte , zontâ
5. v.tr. meti dongje un cun chel altri plui elements, plui parts, ancje fasintju deventâ un complès sôl:  si vergognave a viodi chei çufs sot vie [des sentis cu la impaiadure mieze rote], e di un continuo e staronzave, e taiave, e justave, e ingropave, e inzontave cemût che e podeve (Maria Forte, Juchin)
   Sin. cometi¹ , coneti , conzonzi , meti dongje , peâ , tacâ , unî , zontâ
   
   1. meti in colegament, in comunicazion