Dizionari de Lenghe Furlane

in câs di    [AF]

1. loc.prep. par introdusi une eventualitât:  in câs di dibisugne al saveve indulà parâsi (Maria Forte, La tiere di Lansing); se i domandavin cemût che e jere lade [la visite di militâr], al diseve: "Me mi clamin nome in câs di vuere!" (Alan Brusini, Amîs come prime)
   Sin. tal câs di , intal câs di
2. loc.prep. cu la facoltât, cu la capacitât, cu la pussibilitât di fâ une azion o di causâ un efiet:  "Ah compari no!" disè "jo no mi sint in câs di movi nancje un pas" (Luigi Gortani, La bolp e il lôf); il paîs da pît de fuartece al jere stât ocupât dai todescs e nol jere plui in câs di fâ rivâ jutoris ai difensôrs (Giovanni Pillinini, Zuan Batiste Cavedalis - Une vite esemplâr); «Alore, si sintîso in câs di fâle?» (Carlo Sgorlon, Prime di sere)
   Sin. in grât di¹ , in cundizion di , in stât di , tal câs di
   Cfr. paron , siôr , bon , rivâ , rivâ adore , podê¹

Components:

• câs s.m.