Dizionari de Lenghe Furlane

tal câs di    [AF]

1. loc.prep. par introdusi une eventualitât:  Gurize, tal câs di un atac di soreli jevât, e varès resistût (Gianfranco D'Aronco, Gurize, Pordenon e il Friûl)
   Sin. in câs di
   Var. intal câs di
2. loc.prep. par introdusi un complement di limitazion:  tal câs di Tellini il probleme [par capî la sô figure e il so pinsîr], […] al è chel de straordenarie varietât di interès che al à vût in vite: naturalist, esperantist, studiôs des tradizions popolârs, des lenghis, etc. (Donato Toffoli, Lidrîs pal pinsîr autonomist)
3. loc.prep. cu la facoltât, cu la capacitât, cu la pussibilitât di fâ une azion o di causâ un efiet:  jo no soi tal câs di descrivi chê citadele […] parcè che no ai vût timp di dismontâ de nâf (Vico Bressan, Cîl e aghe); nol jere tal câs di viodi Stiefin, par tant che al cjalàs ator (Mario De Apollonia, Il timp par ledrôs)
   Sin. in grât di¹ , in cundizion di , in stât di , in câs di
   Cfr. paron , siôr , bon

Components:

• câs s.m.