Dizionari de Lenghe Furlane

imbroiâsi  im|bro|iâ|si  [CO]

1. v.pron.intr., v.pron.tr. [BF] formâ grops o jessi fat sù in maniere complicade:  [...] cu la glagn inta man par poiâla planc planc par tiara e stâ atents che no si imbroi (Luciano Spangher, Il borc dal cjascjel)
   Sin. ingropâsi , intorcolâsi , intorteâsi , ingredeâsi , gredeâsi , involuçâsi , imberdeâsi
2. v.pron.intr. no rivâ a movisi o movisi in maniere ostacolade o limitade:  e cjol fûr de sachete, imbroiantsi tes pleis dal grumâl e de cotule, un di chei façolets di colôr che e use jê e e nete il nâs (Meni Ucel, La visite dal vescul)
   Sin. ingredeâsi , gredeâsi , involuçâsi , imberdeâsi , berdeâsi
   
   1. no rivâ a fâ alc cun facilitât:  a scomencin a fevelâ doprant il furlan ma po dopo si imbroin e a van indenant par talian (Sabina Capone, Furlan sui bancs)
3. v.pron.intr. di situazion, cuistion, problematiche e v.i., deventâ complicade
   Sin. berdeâsi , complicâsi , confusionâsi , ingredeâsi , ingropâsi , incrosâsi , gredeâsi , imberdeâsi
4. v.pron.intr. metisi intune situazion complicade
   Sin. intrigâsi , imberdeâsi , impaçâsi , impeolâsi , impetolâsi , imbragâsi , ingredeâsi
5. v.pron.intr. fâ un erôr di confusion:  mi sint strac no sei sigûr di ce che i sint e i jôt, la plaça da glesia no par nancja chê, nissun sot il tei, tal cjampanili [...]. Ma i voi si imbroin (Renzo Scjefinut, Dalès 2009)
6. v.pron.intr. crodi o fâsi crodi un cun chel altri robis che no son:  al coste plui zuiâ a imbroiâsi che no frontâ insieme un percors dificil (Antoni Beline, La globalizazion de sensibilitât)
   Sin. ingjanâsi , freâsi , freolâsi