ingredeâsi
in|gre|de|â|si
[CO]
-
v.pron.intr., v.pron.tr.
formâ grops o jessi fat sù in maniere complicade:
la tele si jere ingredeade tal telâr (Raffaele Serafini, Contis sot spirt)
Sin. ingropâsi
, intorcolâsi
, intorteâsi
, imbroiâsi
, gredeâsi
, involuçâsi
, imberdeâsi
Var. ingherdeâsi
, ingardeâsi
, ingredeiâsi
-
v.pron.intr.
restâ cjapât in alc o no rivâ a movisi o movisi in maniere ostacolade o limitade:
e il siôr, ingredeantsi intun cison, / al fasè doi biei siets tel veladon (Pieri Çorut, La mê ospitalitât)
Sin. gredeâsi
, involuçâsi
, imberdeâsi
, berdeâsi
-
v.pron.intr.
di situazion, cuistion, problematiche e v.i., deventâ complicade:
al mâl fisic si zonte il mâl morâl o ansietât, o depression, o pôre, o disperazion, alore lis robis si ingredein in maniere traumatiche e dramatiche (Antoni Beline, La globalizazion de sensibilitât)
Sin. berdeâsi
, complicâsi
, confusionâsi
, ingropâsi
, incrosâsi
, gredeâsi
, imberdeâsi
-
v.pron.intr.
metisi intune situazion complicade:
"Pense che el frutat al è zovin, che nol à mont, che el podarès ingredeâsi, sence savêlu, in cualchi brut zughet" (Bepo Marion, La morose di Carlo)
Sin. intrigâsi
, imberdeâsi
, impaçâsi
, impeolâsi
, impetolâsi
, imbragâsi
, imbroiâsi
-
v.pron.intr.
fâsi cjapâ de confusion o de sudizion:
“Ce ti clamistu?”. “Gjanfaranco”. “Contimi alc di chiste gleseute”. Al torne a riduçâ e al tache, ingredeantsi un pôc: “E vegnin i predis di matine buinore, e a mi mi fasin sunâ la campanele” (Nadia Pauluzzo, La cjasute di Maniaie)
Sin. imberdeâsi
