Dizionari de Lenghe Furlane

gnot  /-ò-/  gnot  [FO]

1. s.f. timp jenfri il lâ a mont dal soreli e il cricâ dal dì daspò, cuant che il soreli al è platât daûr dal orizont:  si indurmidì e jù pe gnot si insumià (Fabian Ros, Il lôf); stant che la date intal titul e je de dì prime de date di ultimazion (9 tal titul e po 10 di Avost, viôt §V), o crôt che Broili al vebi scrit il poeme dut intun trat curt di timp, salacor intune gnot (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie); vie pe gnot e jere colade une rosade cussì fisse che e someave une neveade (Pieri Menis, A uciei cu lis archetis); une puarte si vierç e o colìn dentri e o lassìn fûr, par un moment, il businâ dai dius e il frêt de gnot (Stiefin Morat, Donald dal Tiliment); e je gnot e scûr di ploie / lis fadis a si platin tai ramaçs / la fumate e jeve / tal lusôr das cjarandis (Raff BB Lazzara, Dôs cjandelis)
   Var. not , nuot
   Cfr. gnotolade , usgnot , sere¹ , nossere , orsere , usgnot passade
2. s.f. (fig.) moment, situazion e v.i. che par cualchi aspiet si pues calcolâ scûr, parcè che al è dificil, o pôc cognossût, o caraterizât di mancjance di razionalitât e v.i.:  no ai sintût par nuie cricâ il dì de nestre ricostruzion ancjemò. A son di chei che nus disin che la gnot e scuen durâ a lunc. No volarès che e fos une gnot dulà che i gjai no cjantin (Francesc Placerean, Di ducj i dons dal Spiritussant, cumò al covente il don dal coragjo); inte gnot de vuere, e po dopo tal voluç des robis in vite, Vera e sint e patìs massime la mancjance de mame (Ivano Urli, Storie di Vera)
   Sin. scûr¹ , scuretât

Polirematichis e espressions idiomatichis

• a dute gnot loc.av.
• buine gnot loc.inter., loc.s.f.
• cirî gnot loc.v.
• dute la mari de gnot loc.av., loc.s.f.
• e buine gnot loc.inter.
• fâ la gnot loc.v.
• fâ vignî gnot loc.v.
• lâ a cirî gnot loc.v.
• mâl di gnot loc.s.m.
• mari de gnot loc.s.f.
• mari di gnot loc.s.f.
• vignî gnot loc., loc.s.m.

Proverbis:

• a fâ il just, di gnot si duar; baste no vê mâl
• al vâl plui un campanel di gnot che no un campanon di dì
• bontimp fat di gnot nol dure trop
• cidivoc tant il dì che la gnot
• cuant che al è scûr, e je gnot
• cui che al va a durmî cence cene dute la gnot si remene
• cui che al va a durmî cence cene dute la gnot si remene e cuant che si è ben remenât nol à ni durmît ni cenât
• cui che nol cene, dute la gnot si remene
• cui che nol cene, dute la gnot si tarmene
• cul lâ ator di gnot si cole tal poç
• di Atom e di Març la gnot e il dì si spart
• di gnot a zirin i laris e i inamorâts
• di gnot a zirin lis putanis
• di gnot ducj i gjats a son grîs
• di gnot dutis lis pioris a parin neris
• di gnot no si viôt
• fâ dì dal dì e gnot de gnot
• finide la zornade, finît il lavôr; finide la gnot, finît il ripôs
• i siums de gnot, al dî di un grant poete, a son imagjins dal dì ladis in scuete
• il timp che si fâs di gnot nol dure trop, chel che si fâs a misdì al dure dut il dì
• il timp fat di gnot al dure tant che l'amôr dai viei
• il timp fat di misdì al dure dut il dì; il timp fat di gnot al dure tant che un cjaval di trot
• la gnot e je des bestiis
• la gnot e je fate pes bestiis
• la gnot e je la mari dai pinsîrs
• la gnot e je la mari dal consei
• la gnot e je par durmî
• la gnot e je un bon conseîr
• la gnot e mene judizi
• lis cjacaris lungjis a fasin la gnot curte
• lis robis fatis di gnot, si lis viôt di dì
• ogni dì e ven gnot
• puare chê femine che i fâs ogni gnot il jet a so marît
• seren di gnot, conseis di feminis
• timp fat di gnot, se al dure une ore al dure trop