fonc
/-ò-/
fonc
[AF]
-
s.m.
[TS]
biol.
organisim dal ream dai Foncs, filamentôs, imobil, cence clorofile, simbiotic o parasit, che al pues jessi unicelulâr o ancje pluricelulâr di grandis dimensions, che si riprodûs midiant di sporis:
la monilie e je un fonc, une mufe, che e cjape lis menadis frescjis e lis flôrs di sespârs, cjariesârs e armelinârs (Enos Costantin, Un virus tes lidrîs)
Sin. micet
-
s.m.
cuarp riprodutîf di chei organisims, che al pues vê diviersis dimensions, formis e colôrs, che daûr des speciis al pues jessi mangjât, ancje tant che plat preseât, o al contrari al pues jessi velenôs:
de jerbe penze e dure che e someave parfin nere ta la ombre, al vignive sù l'odôr picant dai foncs (Maria Forte, La tiere di Lansing);
Vigji Martinis i rispuint che nol pues, che nol à timp, che al à di lâ intal bosc a cjapâ sù foncs (Cristina Noacco, Faliscjis);
te gnot, par vie che cualchi fonc al jere velenôs, dute la cubie jù tal ospedâl cul mâl di panze (Alan Brusini, Amîs come prime)
Cfr. ceredan
, pierçulin
, pive
, mace
, ombrene
, purcin
, babe
, fonc dal lat
, fonc dal ingjustri
, fonc dal len
, fonc di morâr
, stecarin
, fonghe
, fonc cjapielat
, fonc dal fenoli
, fonc dal fûc
, fonc di lescje
, fonc dal fum
, fonc di bâr
, fonc di laris
, fonc di pôl
, fonc di rôl
, fonc duriês
, fonc pradarûl
, ceredan di prât
, ceredan salvadi
, spiritele
, grampucis
, ceredan di bosc
, bavacje
, bedecje
, capele
, claudin
, fongje
, fumule
, maninis
, petrucic
, pevarin3
, pimpinele
, pivel
, slofe
, sponzuele
, ûf
, ves di bolp
, ves di lôf
, ves di cjaval
, fonc dal anel
, fonc de fumate
, fenoglat
, lenghe di manç
, cjapiel
, mani
, anel
-
tant che paragon par robis che a cressin sveltis, in cuantitât, ancje cence che si spietilis:
[la fuiace] e jere colôr di aur, jevade come un fonc e cuete che e faseve la biele voie (Catarine Percude, La fuiace de Madone);
a saltavin fûr come foncs i comitâts di liberazion (Pieri Somede dai Marcs, Al è muart Cercil)
-
s.m.
(fig.)
robe che e à la forme classiche dal fonc, cuntun pedâl fin o bulbôs e un cjapiel plui larc:
il fonc de bombe atomiche (Antoni Beline, I furlans e il templi)
-
s.m.
spec. tal pl., infezion, che si viôt soredut te piel o tun tiessût organic superficiâl, produsude des speciis microbichis di chei organisims:
peronospore e foncs che a tachin fueis e raps, e la filossare […] a costituissin un altri element di crisi pe viticulture furlane (Enrico Peterlunger, Storie curte de vît in Friûl);
une pomade cuintri i foncs
Sin. micosi
Polirematichis e espressions idiomatichis