divignî
di|vi|gnî
[AF]
-
v.intr.
rivâ di une cierte origjin:
li si cjatavin fantats e fantatis che no savevin plui di ce lidrîs che o divignìn, parcè che o sin ca, di ce bande che o varessin di lâ (Agnul di Spere, Vivi a Codroip);
chest cont Torriano al divignive de famose famee dai Torriani che, parade vie di Milan, si jere sparniçade pe Europe (Pierluigi Visintin, Friûl e furlans te Histoire de ma vie di Giacomo Casanova)
Sin. derivâ
, dissindi
, nassi
, provignî
, saltâ fûr
, vignî
, vignî fûr
-
v.intr.
rivâ, sucedi, jessi tant che consecuence di une reson, di une cause o ancje di un câs, di une cumbinazion:
l'interès di Tellini pe sô tiere, lenghe e culture al diven sigûr de nostalgjie e de lontanance (Donato Toffoli, Il lunari mai jessût - Tellini te prime vuere mondiâl);
il fusîl al devi jessi tignût net in dut lis sô parts sença dâi una politura, e l'açalin tant internamentri che difûr via bisugna che al sei simpri in un tâl bon ordin, che no divegni nissun impidiment nel sbarâ (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Sin. derivâ
, dissindi
, nassi
, provignî
, saltâ fûr
, vignî
, vignî fûr
Cfr. capitâ
, sucedi
, tocjâ
-
v.intr.
vê une evoluzion che e puarte a une cierte cundizion, viôt deventâ
:
l'aspiet oniric o sureâl di cierts personaçs e des situazions, al diven prioritari (Fabian Ros, L'amôr nol è brût di verzes…)
-
s.m.
il timp che al sarà, il futûr, viôt avignî2
:
a Gurize, dut câs, tu sintis che la furlanetât, come componente storiche latine de regjon, e à une responsabilitât sul divignî culturâl di chenti (Lelo Cjanton, Gurize);
tal divignî da la Afriche al esist ancje un altri grant pericul: la pidimie di Aids che e je daûr a distruzi une interie gjenerazion (Renzo Balzan, Cronichis de tiere africane)