deponi
/-ò-/
de|po|ni
[CO]
-
v.tr.
meti jù, lassâ suntune superficie:
Finalmenti al è sul sut, al è in salf su la riva! Depon la creatura, si dispoia nuda, e torna ne la aga. Salva la seconda, e si cjaça una tiarça volta ne la aga. La ultima l'è salva ancja jê (Federigo Comelli, Il me paîs);
po è zuda su la tomba / de sio pare valorous / muart in guera cu na bomba / a depone al mac dei flours (Ugo Piazza, Mest penseir)
Sin. meti jù
, lassâ
, poiâ
-
(fig.)
lassâ pierdi alc, rinunziâ:
vidintsi sorprendût in sul plui biel / dopo tantis braùris che al ve fat, / deponè lu rigôr, si rindè afat (Ermes di Colorêt, I, 78)
Sin. lassâ pierdi
, butâ jù
, dismeti
, molâ
-
v.tr.
(ancje ass., ancje fig.)
produsi un sediment:
aghe che, dopo diponude, e restave nete e clare (Dino Virgili, T. dai B., Chê de «fontane brume»);
Min si è lassât berdeâ intal rusin che la vuere, ancje une volte sierade buteghe, e depon intai cerviei e dentri il spirt di ducj i puars diaui cjapâts te sô vuate (Ivano Urli, Storie di Min)
Sin. decantâ2
, depositâ
-
v.intr.
di sostance in soluzion o in sospension, lâ jù e poiâsi tal fonts
Sin. deponisi
, poiâsi
, depositâsi
-
v.tr.
slontanâ, rimovi di une incarghe gjavant autoritât:
il patriarcje al convoche sinodis e concilis, al nomene e al judiche i vescui, e un (Indrì di Biburg tal 1080) al olse fintremai a deponi il pape (Diego Navarria, I trê podês dal Patriarcje)
Sin. destituî
, discoronâ
, dispodestâ
, dispodestî
, licenziâ
, slontanâ
-
v.tr.
(ancje ass.)
dâ testemoneance:
"Se tu âs provis, tu sês paron di lâ a deponi… ma…" (Pieri Piçul, Vieri e gnûf)
Sin. testemoneâ
-
v.intr.
jessi une prove o un indizi a pro o cuintri di alc o di cdn.:
chest [une frase comprensive] al depon a pro dal professôr, come at di umanitât (Antoni Beline, La fabriche dai predis)