cjistiel
/-èl/
cjis|tiel
[FO]
-
s.m.
complès di edificis fortificâts, cun muris e toratis, residence di siôrs feudâi:
ai 30 di Lui dal 1509 i contadins a dan l'assalt al cjistiel di Sterp e a fasin presonîr Nicolò di Colorêt e i siei oms (Carli Pup, Il Friûl de Joibe Grasse dal 1511);
i cjistiei a jerin semenâts par dutis lis culinis; isolâts e sigûrs come santuaris; circondâts di curtîi, di viâi, di cantinis, di stalis, di legneris. E dut sepulît tal bosc (Riedo Pup, I furlans e il cjistiel);
si conte che tes grandis ocasions i siôrs dal cjistiel a usavin a meti fûr, in segn de lôr potence e ricjece, une lungje cjadene di aur, cui al dîs ator des muris, cui invezit nome de torate di mieç (Pieri Menis, Lis leiendis di Buie)
Sin. roche
Var. cjiscjel
, cjastiel
, cjascjel
Cfr. fuart2
, fuartece
-
se prime al à la preposizion "in" cheste e pues jessi no articolade:
di chei barcons si viodeve par injù la stradele che e puartave in cjistiel simpri plene di fruts des fameis vicinis (Pieri Menis, Marum)
-
s.m.
palaç imponent, cun funzions di rapresentance e no di presidi militâr:
in chê epoche li, 1600-1700, si son metûts a fâ chei biei cjistiei che a jerin sù par chês culinis ca, dulà che al jere biel stâ e fâ nuie (Francesc Placerean, La nestre storie);
so al è il scjalon di jentrade dal cjistiel di Udin, la tor dal orloi in place Libertât e la fontane tal mieç di place Sant Jacum (Luca De Clara, Zuan di Udin)
Sin. palaç
, vile
-
s.m.
tecn.
struture par tignî sù machinaris, parts che si movin e v.i.:
il cjistiel de vuarzine;
[il colezionist] Carli Albert al è bon ancje di sunâ lis cjampanis! La passion e je cussì tante che si è fat sù un cjistiel cun 4 cjampanis tal curtîl (Monika Pascolo, Il sun de fieste)
-
s.m.
tecn.
complès dai tocs che a tegnin dentri il mecanisim di un orloi
Sin. casse
-
s.m.
ilusion, progjet che, almancul par un pôc, nol pues inverâsi:
dutis chestis robis che i jerin mancjadis, dute chê gjonde che la vuere i veve robade, jê le sumiave cuant che e jere cul so Rico e, insiemi, a fasevin cjistiei pal avignî (Roberto Ongaro, Il muc);
siore Lise si viodeve a colâ une piere, di un cjistiel fat sù tal so pinsîr, e al jere dibant che e pensàs che cui che al à pioris al à ancje piels (Maria Forte, Cjase di Dalban)
Sin. cjistiel in arie
, cjistiel par aiar
, fantasie
, insium
-
s.m.
struture cun plui jets un parsore di chel altri:
i cjistiei no àn nancje stramaçs e si duar intun piç di paie e un rizîr di cimis pardut (Ivano Urli, Storie di Min)
Sin. jet a cjistiel
Polirematichis e espressions idiomatichis
Proverbis:
- cui che al salve la sô piel al salve un grant cjistiel
- cui che al ten cont de sô piel al ten cont di un grant cjistiel
- cui che al vuarde la sô vite al vuarde un grant cjistiel
- cui che si conserve al conserve un biel cjistiel
- miôr parons di une cjase che no servidôrs intun cjistiel
- tancj cjapiei e tancj cjistiei