Dizionari de Lenghe Furlane

avuâl  a|vu|âl  [AF]

1. adi. che al è al chês stessis carateristichis, chê stesse cualitât, chel stes aspiet e v.i. di cdn. altri o di alc altri:  ancje se a jerin discompagns tal non e te scuele, cumò a deventavin avuâi denant dal pericul (Maria Forte, Cjase di Dalban); nissun vecjo si ricuardave di une neveade avuâl, ni di tant frêt (Pieri Somede dai Marcs, 11 di Fevrâr 1929)
   Sin. compagn
   Var. eguâl
   Cfr. stes , spudât
   
   1. che al è al stes nivel, ae stesse altece di alc altri o di cdn. altri:  Eliseo al spiçà cuatri pâi, ju plantà ducj avuâi tal curtîl, sot dal bersò, e daspò al inclaudà parsore un plan di breis (Carlo Sgorlon, Prime di sere)
2. adi. che al à un aspiet o une forme cence iregolaritâts o disnivei o mudaments:  17 chilometris di cheste piste simpri avuâl, a son pardavêr masse (Agnul di Spere, Fieste di inaugurazion)
   Sin. vualîf¹ , plan¹ , slis , pulît , compagn
   
   1. che nol mude tal timp o che al mude in maniere regolâr:  une musiche eterne e avuâl (Dino Virgili, La aghe da pît la cleve); l'ultin cors al jere dât da un professôr che al veve un cjacarâ smamît, cence vite, lami e avuâl (Jaio Furlanâr, La biro di Tintin)
      Sin. vualîf¹ , costant , uniformi , compagn
   2. s.m. robe, struture, fenomen e v.i. cence iregolaritâts:  i tors a cressin alts par podê cjalâ lontan parsore di chel avuâl maluseriôs di campagne arade e di povolêts (Maria Forte, Cjase di Dalban)
3. av. tal stes mût, cun chês stessis carateristichis, te stesse misure e v.i.:  zornadis che si distudavin simpri avuâl daûr i pins di Vendâs cun colôrs di puinte tal cîl che si scurive (Alan Brusini, La ultime partence)
4. av. dal dut:  al à podût vuarî avuâl (Dolfo Zorzut, No je plui vive); gji pareva che ducj a fossin doventâts mats avuâl dal grant plasê (Ugo Pellis, Catinuta)
   Sin. ad in plen , biel avuâl , di plante fûr , dal dut , fin insom
   Cfr. dabon , pardabon , dassen , pardassen
5. adi. [TS] mat. di grandece, che e je leade cuntune altre di une relazion di avualance, ven a stâi simetriche, riflessive e transitive
   
   1. s.m. simbul che al indiche avualance o che al introdûs il risultât di une operazion

Polirematichis e espressions idiomatichis

• biel avuâl loc.av.
• fin avuâl dai voi loc.av.

Proverbis:

• sta cul to avuâl se tu vûs fâ bon carnevâl