Dizionari de Lenghe Furlane

stes  /-è-/  stes  [FO]

1. adi.dim. par indicâ che alc o cdn. al è propit chel e no un altri:  Berto e Min, ancje chê buinore, a jerin sentâts te stesse taule, dome lôr doi, ancje se il puest al jere par cuatri (Franca Mainardis, Aiar di cjase)
   Var. istès , instès
2. adi.dim. compagn, cun carateristichis compagnis o che si ripetin:  ogni dì e je la stesse solfe: jevâsi a sîs siet oris di matine, a vore, cjase juste un scjampon sul misdì a mangjâ di corse, a vore, sierâsi cjase a sere a mangjâ une bocjade, un fregul di television e cori a durmî che doman si à di jevâsi a sîs (AAVV, Sul florî)
   Sin. compagn , identic , midiesim , chel
   
   1. pron.dim. robe o situazion compagne o che e torne a sucedi:  il traspuart su gome nol è distribuît in maniere omogjenie ni vie pal dì ni vie pe setemane o pai mês; il stes al sucêt pes emissions industriâls o pe produzion di energjie (Dario Bianchini Giaiotti, Fulvio Stel, Clime e incuinament: prime l'ûf o la gjaline?)
3. adi.dim. par dâ plui fuarce e enfasi a un pronon, a un adietîf o a un sostantîf:  la veretât e jere che nol olsave confessâ a se stes une pôre antighe (Alan Brusini, Par stradis lungjis); si sintive aromai come isolade te sô stesse famee (Maria Forte, Cjase di Dalban); pensant a la feride, Pieri stes nol rivà a stratignî un sgrisul (Amedeo Giacomini, Tal ospedâl)
   Cfr. propit , fintremai , adiriture , di bessôl
4. adi.dim. tant che rinfuarç e par indicâ che alc o cdn. al è chel che si veve za fevelât:  cuant che [il vueli] al è cjalt scotâ il poleç taiât a tocs e po gjavâlu e tignîlu in bande. Tal stes vueli scotâ i gjambars e po gjavâju e tignîju in bande (Sandri Carrozzo, Mar i muntanya)
   Sin. chel
5. adi.dim. considerât par so cont, in te sô essence:  chel che al à sustât Rusticus e i poliziots nol è, come che [Tellini] al crôt, la "Preere pa pâs" […], ma il fat stes di doprâ il furlan tant che lenghe par fâ une riviste (Donato Toffoli, Il lunari mai jessût - Tellini te prime vuere mondiâl); o volevin che si ves di distingui tra i dialets […] par no disvuedâ di significât l'art. 6 de Costituzion, e il concet stes di minorance linguistiche (Adrian Cescje, Memoriis di politiche linguistiche)
6. pron.dim. robe compagne o ecuivalente:  chel o chel altri, par me al è il stes

Polirematichis e espressions idiomatichis

• in se stes loc.av., loc.adi.inv.
• meti te stesse pignate loc.v.
• se stes loc.pron.

Proverbis:

• cui che nol vûl che al mandi mes, cui che al vûl che al ledi stes
• il pintût e il scuintiât a van pe stesse strade
• il plui grant nemì dal om al è l'om stes
• prin di dî mâl dai altris, cjale te stes