Dizionari de Lenghe Furlane

vonde  /-ó-/-ò-/  von|de  [FO]

1. av. in misure, cuantitât, intensitât e v.i. che e baste:  cuant che no vuadagnin vonde a domandin contribûts (Riedo Pup, Balon: crodi, ubidî e paiâ); forsit une vite no je vonde par rivâ a capî lis robis che a nus tocjin (Alan Brusini, Par stradis lungjis)
   Sin. avonde , abastance , bastance
2. av. intun misure, intune cuantitât, intensitât e v.i. no ben definide:  vonde pôcs di lôr si inacuarzerin che no si tratave dai nestris interès, ma di chei di altris (Francesc Placerean, Cuintristorie dal Friûl dal 1866 fint in dì di vuê); l'aiar al jere vonde fresc e si capive che il grant cjalt al jere za passât, o che almancul la Madone di Avost e veve puartât vie il piês (Carlo Sgorlon, Prime di sere)
   Sin. avonde , bastance , abastance , pitost , pluitost
   
   1. in cuantitât, misure, intensitât e v.i. no ben definide, ma plui alte dal normâl, de medie o di un ciert nivel di riferiment:  cumò lis brentanis di Istât: il flum al veve vonde mungulât turbit e rabiôs (Dino Virgili, La aghe da pît la cleve); nô siet o durmivin intune cjamare, cussì o jerin vonde strenzûts (Mario Beltramini, Jo e Graziella); il lavôr de strade al lave indenant vonde svelt (Carlo Sgorlon, Prime di sere)
      Sin. ben , tant , avonde , ben e no mâl , pitost , pluitost
   2. in corelazions, in cuantitât, misure, intensitât e v.i. cussì grande:  nol esist un om vonde inicui par che Crist no lu salvi (Francesc Placerean, Crodi e mût di crodi)
      Sin. cussì , talmentri , tant , avonde
3. av., inter. tant che comant par dî di finî o par dî che alc al baste:  «Po ben, cumò vonde!», e dîs la Riche. «O soi stufe e strache di lassâmi svilanâ cuant che o stoi su lis mês e no secji nissun» (Meni Ucel, Maldicencis); vonde ilusions e delusions che a zuin a corisi daûr; vonde malinconie, vonde marum! (Franca Mainardis, Aiar di cjase); "Vonde cun chestis monadis! Aromai tu sês grant!" (Checo Tam, Beromünster e Monteceneri); "Va ben, va ben siore, alore dome un dêt, ma propri un." "D’acordo siora Olga, la me disi ela quanto." "Baste baste, alt. Vonde cussì" (Renzo Valente, Quando si giocava a ticca e spanna)
   Sin. alt² , baste , fer alì , finide , ferme , avonde
   
   1. (enf.) ancje par volê dî che alc al è passât, finît:  [dopo vignude fûr di Buchenwald] Vonde fam. Vonde frêt. Vonde scugnî strenzisi in trê su la brande za plene di pedoi e pudiesis (Ivano Urli, Storie di Vera)

Polirematichis e espressions idiomatichis

• e vonde loc.inter.

Proverbis:

• ce che al è just di fâ, bisugne fâlu e vonde, magari murî di fam