avonde
/-ó-/-ò-/
a|von|de
[FO]
-
av.
in misure, cuantitât, intensitât, e v.i. suficiente:
Bepo mi à dit che al à voie di comprâlu [un mulinut par masanâ in cjase], magari a ratis […], ma par cumò no vin avonde bêçs (Pieri Somede dai Marcs, Il prossim);
te sô cjase, polente e formadi no jerin avonde par dutis lis bocjis (Lucio Perès, Mê none Miute)
Sin. vonde
, abastance
, bastance
-
av.
intun ciert numar, intune cierte cuantitât, cuntune cierte intensitât e v.i. no definide, o ancje, in maniere gjeneriche, un pôc plui alte dal normâl:
sul liston dongje dal 14 e jere za avonde int che e spietave (Agnul di Spere, In viaç di domenie);
si cjatà avonde content di ce che al veve metût in stât (Josef Cjargnel, Il Friûl al è nassût cussì);
tra il Romanç e l'Engjadinês a son diferencis avonde fuartis (Josef Marchet, Autonomie e lengaç);
la strade e scomençave a lâ in rive jù e si tignive simpri plui dongje dal flum e e jere avonde largje (Agnul di Spere, In Friûl, nossere)
Sin. vonde
, bastance
, abastance
-
av.
intune cundizion plui o mancul buine:
Ulive i domandà di siore Filumene, la sô femine; se e stave ben. «Avonde, avonde» dissal lui «se no ves chê gjambe che le seree…[…]» (Maria Forte, La tiere di Lansing)
Sin. cussì
, cussì cussì
-
av., inter.
tant che comant par dî di finî:
"Avonde par usgnot Lise! e je za la une,… ven a durmî" (Maria Forte, Cjase di Dalban)
Sin. alt2
, baste
, fer alì
, finide
, ferme
, vonde
Polirematichis e espressions idiomatichis
Proverbis:
- avonde ben al è avonde prest
- Diu nus vuardi di piês che mâl a 'nd è avonde
- il puar content al è avonde ric
- il puar content al è siôr avonde
- no bisugne impaçâsi dai fats dai altris che si à avonde di viodi dai siei
- no si sa mai avonde