ferme
/fè-/
fer|me
[CO]
-
s.f.
moment di interuzion intune azion, ativitât, moviment e v.i.:
Catine e scugnì sentâsi e poiâsi su la taule, che il cûr al veve vût un moment di ferme (Gianni Gregoricchio, Trê feminis);
il fat al è che no ‘nd è plui pes. […] La uniche soluzion che o viôt praticabile e je la ferme de pescje par cualchi an (Redazion La Patrie dal Friûl, Mâr furlan cence pes e cul probleme gasoli)
Sin. arest1
, interuzion
, polsade
, polse
, sospension
, soste
-
s.f.
[TS]
venat.
azion dal cjan di cjace che cuant che al cjate il salvadi si ferme imobil:
ah! se tu lu viodès co voi a cjace / a lâ pai cjamps, pai boscs infuriât, / fin che al fâs bon di cuaie o gjalinace! / Cuant che l'è in ferme al pâr inclaudât… O sbari, o maci, e di cariere aviarte / al cjape sù l'uciel e me lu puarte (Pieri Çorut, Il mio cjan);
al lave daûr dal cjan, e cuant che lu viodeve in ferme, al tirave jù il dopli e al stave in spiete, fer ancje lui come un pâl (Carlo Sgorlon, Prime di sere)
Cfr. paisse
-
s.f.
[TS]
milit.
timp che al dure un servizi militâr obligatori o volontari:
la leç e istituive il servizi volontari di ferme prefissade, vâl a dî il servizi militâr professionâl (Stefania Garlatti Costa, Di gnûf ducj sul "attenti"?)
Cfr. naie
, militâr
, soldât
Polirematichis e espressions idiomatichis