Dizionari de Lenghe Furlane

teren¹  /-èn/  te|ren  [FO]

1. s.m. strât superficiâl de Tiere:  sul teren, la gnot e veve distirât un lizêr mantîl di zulugne (Franca Mainardis, La liende dal riûl); [di Invier] il teren al è glaçât e no son inmò inviâts i grancj lavôrs (Riedo Pup, Agriest: cjalâ e no tocjâ)
   Sin. tiere
2. s.m. sorte di composizion e formazion de tiere:  "Par chel che al rivuarde il teren, nissun come lui, dotôr, che al è gjeolic al sepi valutâ la sô tignince" (Alan Brusini, Gian Paolo Linda, I forescj)
   Sin. tiere
3. s.m. estension di tiere:  il proveditôr dai studis di Vignesie al veve stabilît di vignî sul lûc tal passantdoman par sielzi il teren pes scuelis (Pieri Somede dai Marcs, Lis scuelis e la nêf); une vore di donazion di terens e paîs intîrs al fasè ancje Oton II, tant a Rodoalt che a Zuan, e ancjemò di plui Oton III (Josef Marchet, Cuintristorie dal Friûl fin sot la Italie)
   Sin. fonts , tiere
4. s.m. estension di tiere li che al sucêt alc, spec. une bataie:  studiant il teren denant di se, al veve vualmât trê rus muarts a mieze strade viers il flum (Agnul di Spere, Cjalant la rive)
   Sin. cjamp
   
   1. prât o superficie li che si confrontin dôs scuadris sportivis, ancje in riferiment ae part dominade di une o di chê altre scuadre:  l’Udin al somee in stât di difindi il vantaç e di no pierdi teren, lant a fâ pressing cu la linie mediane cuintri dai aversaris (Marc Stolf, Udinese - Juventus 2-6)
   2. (fig.) suaze, ambient, nivel di un confront o di un contrast ancje no fisic:  dutis lis fuarcis e lis risorsis si esaurissin e si distruzin sul teren de lote ideologjiche, cence nissun vantaç e nissun costrut pe coletivitât (Josef Marchet, Diferencis)
   3. setôr di ativitât:  al è lavôr par tancj di lôr, ognidun sul teren de sô esperience e preparazion specifiche (Josef Marchet, Fûr cui che i tocje)
5. s.m. (fig.) argoment o complès di argoments leâts tra di lôr:  fevelâ dai risultâts di cheste esperience televisive […] nus puartarès suntun un altri teren, masse grant par jessi frontât in cheste ocasion (Max Mauro, Un Friûl difarent: i 90 mhz di Onde Furlane); nol sarès nancje stât il câs di strissinâ il discors suntun teren che al jere dut a so disvantaç (Roberto Ongaro, Cretevierte)
   Sin. argoment , front , materie , passon , sît
6. s.m. (fig.) ambient o situazion plui o mancul favorevui par alc:  «Te mostrave a ti [la sô bondance] parcè che e saveve di tocjâti sul vîf» dissè la Taresie «Cun me no veve chel tîr… E saveve di no cjatâ teren just» (Maria Forte, La tiere di Lansing)

Polirematichis e espressions idiomatichis

• pierdi teren loc.v.