sunade
/-à-/
su|na|de
[AF]
-
s.f.
azion e risultât dal sunâ, dal fâ musiche o dal fâ suns:
la comission, doi umign par paîs, e je pronte: pene, lapis e cjarte sot man par segnâ i ponts e dâ il premi ae miôr sunade in dopli che e fasaran lis scuadris dai cjampanârs di Merêt, di Nearêt di Cuar, di Tombe, di Vissandon e di Vilalte (Pieri Somede dai Marcs, L'ultin cordo);
al veve smicjât il liron, poiât cuintri dal antîl. Par solit une sunade, a buinore, le faseve. Al jere bielzà daûr a jevâsi impins par tirâ dongje il strument (Gianni Gregoricchio, Pollione Magrini)
-
s.f.
[TS]
mus.
composizion musicâl dome par struments, no cjantade, che e à vût diviersis carateristichis dilunc de storie de musiche:
diviers repertoris di musiche di cjamare, tra Sunadis, Sinfoniis, musichis par balet e Concierts (Alessio Screm, Friûl e Carinzie unidis intal non de musiche)
-
s.f.
(fig.)
situazion o dinamiche che e va indevant intune cierte maniere:
tropis voltis vino cjapade la musse? Tropis voltis i fats nus àno dât tuart? Tropis voltis vino scugnût mudâ sunade? Il lengaç che o doprìn in chest numar al è chel istès, tâl e cuâl, che o vin doprât tal prin (Josef Marchet, Alo, indenant!)
Sin. solfe
, storie
, musiche
Cfr. vele
, ande
-
s.f.
(fig.)
pache, bote:
[il fari] cu lis tanaiis lu gjave fûr, i da cul mai sul incuin cuatri sunadis di chês dal numar un, e par ultin lu sclope dentri ta la aghe (Luigi Gortani, Il mestri sore ducj i mestris)
Sin. pache
, bote1
, colp
, tonade
, sgnesule
-
acjadiment contrari o schirie di acjadiments contraris:
"Il Friûl, dopo chê sunade che o vin cjapade cu la Regjon, ce bandiere puedial vê?" (Pieri Somede dai Marcs, La bandiere)
Polirematichis e espressions idiomatichis