vele
/vè-/
ve|le
[AF]
-
s.f.
grande superficie di tiessût o di membrane sintetiche fissade tun arbul di nâf o di barcje, che e covente a fâle sburtâ dal aiar:
meteva duta la sô fuarça nel tignî cul rem obleada la barcja, e pleiantlu plui che podeva da la sô dreta a la çanca, faseva che la vela cjapàs il vint par sclavueç (Federigo Comelli, Il me paîs);
Ricart, straneât, al torne cul pinsîr sul pericul scjampât, il sirocâl penç, lis ondis che a scjavacin la nâf, lis velis che si sbreghin (Diego Navarria, La crepe)
-
s.f.
dome sing., sport di lâ cun barcjis a vele:
inte Val e je ative "Nautilago", societât sportive che e pratiche la vele (Piero Cargnelutti, Tantis oportunitâts par dâi un futûr di svilup al Lât)
-
s.f.
[TS]
arch.
ognidune des sezions ingjavadis che a formin un volt:
tes cuatri velis de crosere al piture grups di agnui (Bepi Agostinis, Storie de art in Friûl)
Polirematichis e espressions idiomatichis