Dizionari de Lenghe Furlane

soflet  /-èt/  so|flet  [CO]

1. s.m. imprest par soflâ o parâ aiar, soredut sul fûc:  svelte la parone sofle cul soflet ta boris, met sul cjavedâl in strucjel une fassine e un dôs grampadis di scjelis (Dolfo Zorzut, Ipocrisie, ipocrisie, el Signôr ti cjastie)
   Sin. fol , sfuei³
2. s.m. (fig.) cui che al stice, che al sabore, che al provoche, soredut parsot:  chei soflets / di Londre e di Parigji / che no stan mai cuiets (Zaneto, Fra doi cugnâts)
   Sin. sticeboris
3. s.m. struture mobile di cierts struments musicâi, che e forme come une cjamare di aiar che e tire dentri o e sofle fûr l'aiar che al prodûs lis vibrazions:  lui al sunave [la armoniche] come inmagât e al compagnave cu la vite il moviment dal soflet (Maria Forte, Cjase di Dalban)
   Sin. fol , sfuei³
4. s.m. (fig.) struture mobile a pleis, soredut par tirâ sù e jù la cuviertidure di carocis o machinis:  e montave sul so automobil cul soflet sbassât (Carlo Sgorlon, Il dolfin)
   Sin. fol , sfuei³
5. s.m. imprest par sborfâ licuit, vapôr, fum, polvar per fâ trataments, colôr e v.i.:  al soflet dal solfar (Celso Macôr, Al tata tornât)
6. s.m. imprest plac e larc di materiâl lizêr tant che cjarte o tele, che pal solit si pues pleâ, che si môf par fâsi aiar e rinfrescjâsi:  di Istât dopri il soflet, / di Unviar il scjaldejet (Pieri Çorut, La mê vite di citât); "Oh Dio mi ven mâl!..." "Cjo il soflet, Madalena, sofliti un pôc, sofliti ti passarà" (Luîs Merlo, Tra parincj)
   Sin. parefresc , vintuline , svintule , vintule²
7. s.m. sofli lizêr, corint di aiar lizere:  une cjamarute basse, no sofitade, indulà che pes sfesis dal solâr carulît, cul soflet dal aiar, al ven jù ancje il remenadiç des pantianis (Pieri Somede dai Marcs, Dure leç)
   Cfr. soflade , bugade
8. s.m. piçule pedeade:  cualchidun [...] al si lassava scjampâ cualchi soflet (Elvio Loretti, Zuvintût di jeir)
   Cfr. pêt¹ , pedeade , aiar , arie¹
9. s.m. (fig.) vôs, cjacare che e pant alc di platât, risiervât, scandalôs e v.i.:  de Gjermanie, cualchi soflet al jere rivât ancje in paîs. A pene cualchi malignitât (Maria Forte, Mabile la Lunghine)
   Cfr. peteç , peçot , spiade
10. s.m. (fig.) cui che al trate cun pôc rispiet, soredut cui che al rispuint cun pôc rispiet:  "Cjo, soflet, cun cui crodistu di fevelâ?" (Maria Gioitti del Monaco, Un conciart di bande)

Proverbis:

• i soflets a metin disconcuardie
• i soflets a metin in disvari