sfuei3
/-é-/
sfuei
[CO, TS]
-
s.m.
artes.
imprest par soflâ aiar a pression, spec. par dâi ossigjen al fûc:
Ricut, al jere daûr a menâ il sfuei par dâi flât a di un fûc di stancol che al ardeve sot di un coltri di tirâ (Roberto Ongaro, Il muc)
Sin. fol
-
artes., mus.
imprest o part di strument musicâl che e pompe aiar par produsi i suns:
sul plui biel, che a cjantavin il Credo, al si è rot un sfuei [dal orghin] e, par tant che il sunadôr al menàs sot vie chê uniche cjarcule che e funzionave, a vignivin fûr dal imprest nome vuacadis di cjan (Josef Marchet, Lis predicjis dal muini);
al cirive une note che nol cjatave. Le cirive cun ingôs, zirant i voi di ca e di là, fin che al rivave a brincâle cul mot de man e le sierave tal sfuei da la armoniche (Maria Forte, La cjase dal Murat)