fol
/-ò-/
fol
[CO, TS]
-
s.m.
tecn., artes.
imprest formât di dôs parts rigjidis articoladis e unidis in une membrane a pleis che e forme une cjamare di aiar, che in espansion si jemple e sot pression e fâs jessi l'aiar par un condot, par indreçâlu dulà che al covente, doprât pal plui dai faris:
a i butà parsore une altre cosse di cjarvon; e po jù ciertis tiradis di fol, che a emplarin dute la stanze di lusignis (Luigi Gortani, Il mestri sore ducj i mestris)
Sin. sfuei3
, soflet
, fole2
-
mus.
aparât par soflâ aiar in struments musicâi tant che l'orghin
-
mus.
part mobile di membrane a pleis di struments a aiar tant che la armoniche, che e forme la cjamare di aiar:
si podeve viodi la lungje code di int che e rivave, man a man e si dave dongje tant che un fol di armoniche cuant che si siere te ultime sfladade (Roberto Ongaro, Cretevierte)
-
s.m.
tes carocis e tes machinis antighis, sorte di capote di piel o di cerade a pleis, che si pues tirâ sù par cuvierzi o scuvierzi il veicul:
al preferive di viazâ magari parsore il fol de diligjence, inant che tei omnibus folcjâts simpri di marmaie (Giovanni Gortani, Lant jù pe Tresemane)
-
s.m.
[TS]
tecn., artes.
machine par infeltrî la lane