svintule
/svì-/
svin|tu|le
[CO]
-
s.f.
bugade di aiar o di alc menât dal aiar:
une svintule di aiar plui fuart e sierà un scûr (Pieri Menis, Chei di Muraie)
-
s.f.
cuantitât di colps trats insiemi o un daûr di chel altri:
une svintule di fusilarie e scjavaçà di colp tal mieç la stangje de bandiere (Pieri Menis, Sul agâr)
-
(fig.)
grande cuantitât di elements che a stan o a rivin insiemi o un daûr di chel altri:
si jemplin la bocje cun cheste peraule [civiltât] che ognidun al vûl doprâle e le dopre in propri, cemût che i poche, cuntune svintule di significâts diferents che no son nancje cusins (Antoni Beline, Scuele: invasion di... furlans)
Sin. schirie
, rie
-
s.f.
imprest plac e larc di materiâl lizêr tant che cjarte o tele, che pal solit si pues pleâ, che si môf par fâsi aiar e rinfrescjâsi:
siore 'Sese, sintade in bande suntune cjadree e si fâs fresc cu la svintule (Arturo Feruglio, Un grop sul stomi)
Sin. parefresc
, vintuline
, vintule2
, soflet
-
s.f.
vistît o robe che si met intor une vore lizere:
al veve intorsi i bregons e lis scarpis di militâr e su la vite une svintule di canotiere blancje (Pieri Menis, Sflameadis)